پاکستان میں ترسیلاتِ زر تاریخ کی بلند ترین سطح پر پہنچ گئیں

اوورسیز پاکستانیوں کی جانب سے پاکستان میں ترسیلات زر بھیجنے کا سلسلہ جاری ہے، مارچ میں ترسیلات زر2.8 ارب ڈالر کی بلند ترین سطح پر پہنچ گئیں۔

تفصیلات کے مطابق اسٹیٹ بینک کی جانب سے بیان میں کہا گیا ہے کہ مارچ کے دوران پاکستانی ورکرز کی ترسیلات زر کی مد میں دو اعشاریہ اٹھ ارب ڈالر موصول ہوئے، جو کسی بھی مہینے میں ترسیلات زرکی آمد کی بلند ترین سطح ہے۔

مرکزی بینک نے کہا کہ ترسیلات زر کی جون 2020 سے اب تک دو ارب ڈالر سے زائد رہنے کی رفتار برقرار ہے۔

اسٹیٹ بینک کا کہنا تھا کہ مارچ میں ترسیلات زر ماہانہ 28.3 فیصد اضافہ ہوا، اس دوران سعودی عرب سے 678ملین، یواےای سے 515 ملین ڈالر ، برطانیہ سے 401 ملین اور امریکا سے 300 ملین موصول ہوئے۔

رواں مالی سال کے 9 ماہ ترسیلات زر میں گزشتہ برس کے مقابلے 7.1فیصداضافہ ہوا اور جولائی 2021 سے مارچ 2022 تک مجموعی طور پر 23ارب ڈالر موصول ہوئے۔