تازہ ترینخبریںدلچسپ و حیرت انگیز

آسمان پر ظاہر ہونے والی ‘پر اسرار’ شے نے امریکی حکام کو ہلاکر رکھ دیا

امریکا میں اچانک آسمان سے نمودارہونے والی شے نے کئی سازش اور خوف کو جنم دیا ہے۔

یہ عجیب و غریب بادل امریکی ریاست الاسکا کے پہاڑی سلسلے ‘لازی ماؤنٹین’ میں نمودار ہوئے، جس نے امریکی حکام کو ہلاکر رکھ دیا ہے۔

مذکورہ واقعے کی ویڈیو اور تصاویر فیس بک پر پوسٹ کی گئی ، ان تصاویر کے وائرل ہونے کے ساتھ ہی ایک آن لائن بحث کو شروع ہوگئی جس میں لوگوں نے اپنے ذہن کے مطابق اس عجیب بادل کی وجوہات بیان کیں۔

کسی نے اسے ہوائی جہاز کا حادثہ قرار دیا تو کسی نے خلائی مخلوق کے آسمان سے اترنے کا منظر بتایا، یہاں تک کہ کئی صارفین نے اسے یوکرین کے تنازعے سے منسلک خفیہ روسی ہتھیار سے بھی جوڑ دیا۔

اس عجیب و غریب بادل کی تشکیل نے اتنی توجہ حاصل کی کہ الاسکا اسٹیٹ ٹروپرز اور الاسکا ریسکیو کوآرڈینیشن سینٹر نے تحقیقات کا آغاز کیا، بعد ازاں حکام نے بادل کی وضاحت محض کمرشل طیارے سے ہونے والے کنٹریل (پر اسرار میزائل) کے طور پر کی۔

حکام کی جانب سے جاری بیان میں بتایا گیا کہ واقعے میں مقررہ ہوائی جہاز یا ای ایل ٹی ایکٹیویشن کی کوئی اطلاع نہیں ملی جس سے کسی ہوائی جہاز کے حادثے کی نشاندہی ہو۔

حکام نے بتایا کہ مزید تفتیش سے پتہ چلا جس وقت تصاویر اور ویڈیوز لی گئی تھیں اس وقت ایک بڑا تجارتی طیارہ اس علاقے میں اڑ رہا تھا، معاملے پر نیو یارک کے ہوائی اڈے پر جاتے ہوئے طیارے سے رابطہ کیا گیا اور اس نے معمول کی پرواز کی اطلاع دی۔

حکام کا ماننا ہے کہ تصاویر اور ویڈیوز میں تجارتی طیارے سے بنے ایک کنٹریل کو دکھایا گیا ہے جس نے سورج کی روشنی کے ساتھ مل کر ماحول اور نظارے کو منفرد شکل دی۔

جواب دیں

آپ کا ای میل ایڈریس شائع نہیں کیا جائے گا۔

Back to top button