تازہ ترینخبریںپاکستان سے

وزیراعظم عمران خان نے اہم مشاورتی اجلاس طلب کرلیا

وزیراعظم عمران خان نے اہم مشاورتی اجلاس طلب کرلیا ہے، اجلاس کچھ دیر میں بنی گالہ میں ہوگا۔

ذرائع کا کہنا ہے کہ اجلاس میں اٹارنی جنرل، پرویز خٹک، اسد عمر اور فواد چوہدری شریک ہوں گے، سپریم کورٹ کے فیصلے کی روشنی میں قومی اسمبلی اجلاس سے متعلق حکمت عملی بنائی جائے گی۔

ذرائع کا یہ بھی کہنا تھا کہ اٹارنی جنرل فیصلے سے متعلق عملدرآمد کے لیے بریفنگ دیں گے، سپریم کورٹ فیصلے پر عملدرآمد نہ ہونے کے اثرات پر بھی بریفنگ دی جائے گی۔

دوسری جانب سماجی رابطے کی سائٹ ٹوئٹر پر اپنے بیان میں سینیٹر فیصل نے کہا ہے کہ عمران خان جا نہیں رہے عمران خان پہلے سے زیادہ مضبوط ہونے جارہے ہیں۔

فیصل جاوید نے کہا کہ کپتان اپنی قوم کے ساتھ ڈٹ کر کھڑے ہیں، آخر تک مقابلہ کرنے کیلئے تیار ہیں، کبھی کپتان نے اپنی قوم کو مایوس کیا اور نہ قوم کپتان کو مایوس کریگی۔

خیال رہے کہ وزیرِ اعظم عمران خان کے خلاف تحریکِ عدم اعتماد کی قرار داد پر ووٹنگ کے لیے قومی اسمبلی کا اجلاس کچھ دیر میں ہو گا۔

 

جواب دیں

آپ کا ای میل ایڈریس شائع نہیں کیا جائے گا۔

Back to top button