تازہ ترینخبریںٹیکنالوجی

ویڈیو: ٹیسلا کی بنی گاڑیوں میں جدید ترین سکرین جو بد روحوں کی بھی تصویر اتار لیتی ہے

امریکی وہیکل مینو فیکچرر ٹیسلا کی گاڑیاں عام گاڑیاں نہیں، یہ گاڑیاں اپنے اندر جدید ٹیکنالوجی کے منفرد فیچرز رکھتی ہیں، تاہم انہی فیچرز کی وجہ سے کچھ صارفین اب خوفزدہ ہونے لگے ہیں۔

امریکی ریاست کیلی فورنیا کے رہائشی ایک شخص نے ایک حیرت انگیز ویڈیو ٹک ٹاک پر پوسٹ کی۔

ویڈیو میں دیکھا جاسکتا ہے کہ کار کی کولیژن ڈیٹیکٹ اسکرین سامنے موجود ایک شخص کو دکھا رہی ہے جس کا مطلب ہے کہ ڈرائیور اس راہ گیر سے ہوشیار رہے۔

لیکن جب ڈرائیور موبائل کے کیمرے کا رخ سامنے کی طرف کرتا ہے تو وہاں پر کوئی موجود نہیں ہے، گاڑی اس وقت ایک قبرستان سے گزر رہی ہے اور وہاں دور دور تک کوئی شخص موجود نہیں ہے۔

اس ویڈیو نے دیکھنے والوں کو نہایت خوفزدہ کردیا اور وہ پوچھنے لگے کہ خالی قبرستان میں کون تھا جس کی اسکرین نے نشاندہی کی۔

بعض صارفین کا کہنا تھا کہ ٹک ٹاک پر کچھ ماہ قبل بھی اسی نوعیت کی ایک ویڈیو پوسٹ کی گئی جو اسی قبرستان کی تھی، اس وقت بھی قبرستان خالی تھا لیکن کار کی اسکرین کسی شخص کی نشاندہی کر رہی تھی۔

 

جواب دیں

آپ کا ای میل ایڈریس شائع نہیں کیا جائے گا۔

Back to top button