تحریک انصاف نے غیرملکی سازش کی ناکامی پر وفاقی دارالحکومت میں ایک ہفتہ طویل جشن منانے کااعلان کردیا۔
تفصیلات کے مطابق تحریک اتحریک انصاف نے وفاقی دارالحکومت میں ایک ہفتہ طویل جشن منانے کااعلان کردیا۔
اس حوالے سے تحریک انصاف کے شہباز گل نے سماجی رابطے کی ویب سائٹ ٹوئٹر پر اپنے پیغام میں بتایا کہ جشن بلیوایریاڈی چوک پرہفتہ بھرہر شام افطار کے بعد ہوگا، جہاں فیملیز اورخواتین کیلئے سیکیورٹی کا خصوصی انتظام کیا جائے گا۔
رہنما پی ٹی آئی فیصل جاویدنےبھی ٹوئٹرپر عوام کوجشن میں شرکت کی دعوت دی اور کہا جشن ایک ہفتہ جاری رہےگا اور شاندار آتشبازی بھی کی جائے گی۔
اس حوالے سے رہنما زاہدحسین کاظمی نے بھی کہا کہ آج افطاری کے بعد اسلام آبادڈی چوک میں شاندارآتشبازی ہوگی، جس میں کارکنان بڑی تعدادمیں جشن میں شرکت کریں گے۔
زاہدحسین کاظمی کا کہنا تھا کہ غیرملکی سازش کی ناکامی پر ملکر رب العزت کا شکرادا کریں گے۔
