Welcome to JEHANPAKISTAN   Click to listen highlighted text! Welcome to JEHANPAKISTAN
تازہ ترینخبریںفن اور فنکار

بے وقار سابقہ بیوی بننا بند کریں، عمران خان کے نام پر آپ نے فرنیچر تک مفت لیا

سیاسی تناؤ صرف پارلیمنٹ میں ہی زیادہ نہیں بلکہ سوشل میڈیا پر بھی اس کا اثر محسوس کیا جاسکتا ہے۔

تحریک عدم اعتماد کے حوالے سے متعدد فنکاروں نے سوشل میڈیا پر وزیراعظم عمران خان کی حمایت کا اعلان کیا۔

اس پر ریحام خان نے 27 مارچ کو سوشل میڈیا پر کہا کہ اس طرح کے فنکاروں کے لیے بہتر ہے کہ وہ بھاری سرمایہ کاری اپنے فلمی منصوبوں پر کریں۔

جس پر اب اداکار منیب بٹ نے شدید ردعمل ظاہر کیا ہے۔

خیال رہے کہ تحریک عدم اعتماد جمع کرائے جانے کے بعد صبا قمر، عدنان صدیقی اور دیگر متعدد فنکاروں نے وزیراعظم کے لیے اپنی حمایت ظاہر کی تھی۔

کچھ نے اپنے خیالات کو انسٹاگرام اور ٹوئٹر پر شیئر کیا جبکہ کچھ جیسے اداکار ہارون شاہد اور احمد علی بٹ نے 27 مارچ کو تحریک انصاف کے اسلام آباد میں ہون والے جلسے میں اپنی حمایت ظاہر کی۔

جس پر ریحام خان نے ایک ٹوئٹ میں ان کو تنقید کا نشانہ بنایا تھا۔

اس ٹوئٹ پر متعدد ٹوئٹر صارفین نے ردعمل ظاہر کیا جس میں منیب بٹ بھی شامل ہیں۔

انہوں نے لکھا ‘جس طرح آپ نے جانان کے لیے بھاری سرمایہ کاری حاصل کی، آپ نے سیٹ کا فرنیچر تک عمران خان کا نام استعمال لوگوں سے مفت لیا تھا، تو ہم پر تنقید نہ کریں اور بے وقار سابقہ بیوی بننا بند کریں’۔

خیال رہے کہ عمران خان اور ریحام خان کی شادی 2015 میں 10 ماہ بعد باہمی رضامندی سے ختم کردی گئی تھی۔

جواب دیں

آپ کا ای میل ایڈریس شائع نہیں کیا جائے گا۔

Back to top button
Click to listen highlighted text!