تازہ ترینخبریںدنیا سے

احمد آباد دھماکےٜ38مسلمانوں کو سزائے موت،11کو عمر قید

بھارت کی مغربی ریاست گجرات کی مقامی عدالت نے2008میں احمد آباد  میں ہونے والے سلسلہ وار بم دھماکوں کے مقدمے کا گزشتہ روز فیصلہ سناتے ہوئے38مسلمانوں کو سزائے موت اور11دیگر مجرموں کو عمر قید کی سزا سنائی ہے۔

مقامی اہلکار نے میڈیا کو بتایا کہ بم دھماکوں کے مقدمات کی سماعت کرنے والی خصوصی عدالت نے غیر قانونی سرگرمیوں ٟ روک تھامٞ ایکٹ کے تحت احمد آباد سلسلہ وار دھماکوں کے کیس میں38مسلمانوں کو سزائے موت اور11دیگر ملزمان کو عمر قید کی سزا سنائی ہے۔

عدالت نے ان49افراد کو مختلف جرائم کے تحت مجرم قرار دیا تھا۔ تمام مجرم اپنی سزائوں کے خلاف اپیل کا حق رکھتے ہیں۔

کیس سننے والے سپیشل جج اے آر پٹیل نے حکام کو یہ حکم بھی دیا کہ وہ متاثرین کے خاندانوں کو ایک ایک لاکھ روپے معاوضہ ادا کریں۔

گجرات ہائیکورٹ نے عدالت کے فیصلے کی توثیق کی ہے۔ مقدمے کی سماعت میں تمام افراد کو ورچوئلی پیش کیا گیا۔

گجرات کی خصوصی عدالت نے گزشتہ سال احمد آباد دھماکوں کے کیس میں77افراد کیخلاف ٹرائل مکمل کیا تھا۔ ان میں سے49کو ملزم نامزد کیا گیا تھا

جبکہ28کو بری کر دیا گیا تھا۔ عدالت نے14سال سے زیادہ پرانے مقدمے کی سماعت گزشتہ سال ستمبر میں مکمل کی۔26جولائی2008کو ریاست گجرات کے شہر  احمد آباد میں70منٹ کے اندر اندر21بم دھماکے ہوئے تھے،

اطلاعات کے مطابق ان بم دھماکوں میں56افراد ہلاک اور200سے زائد زخمی ہوئے تھے۔ پولیس نے دھماکوں میں ایک مسلمان تنظیم کے ملوث ہونے کا الزام عائد کیا تھا۔

جواب دیں

آپ کا ای میل ایڈریس شائع نہیں کیا جائے گا۔

Back to top button