تازہ ترینخبریںفن اور فنکار

ملکہ ترنم کی بیٹی نے ’نور جہاں‘ کے نام سے فیشن برانڈ متعارف کرادیا

آواز کی جادوگرنی اور مایہ ناز گلوکارہ ملکہ ترنم کی صاحبزادی نازیہ اعجاز نے والدہ کے نام س فیشن برانڈ متعارف کرادیا۔

وژوئل اور میک اپ آرٹسٹ نازیہ اعجاز نے اپنی انسٹاگرام ویڈیو میں مداحوں کو بتایا کہ دیگر انسانوں کی طرح وہ بھی سب سے زیادہ محبت اپنی والدہ سے کرتی ہیں اور چوں کہ ان کی والدہ سے دیگر لوگ بھی پیار کرتے ہیں، اسی لیے انہوں نے ان کے نام سے برانڈ متعارف کرایا۔

انہوں نے انسانی زندگی پر والدہ کے اثرات و اہمیت پر بات کرتے ہوئے کہا کہ ملکہ ترنم ان کی شخصیت پر اس قدر اثر انداز ہیں کہ آج تک انہوں نے والدہ کو اپنے وجود سے الگ محسوس ہی نہیں کیا۔

View this post on Instagram

A post shared by Nazia Ejaz (@naziaejazofficial)

نازیہ اعجاز کے مطابق ان کا شوق تصاویر اور وژوئل بنانا تھا، تاہم وہ فیشن، میک اپ اور آرٹ کی بھی فین ہیں اور انہیں یہ سب اپنی والدہ ملکہ ترنم نورجہاں سے ورثے میں ملا۔

انہوں نے ویڈیو میں بتایا کہ ان کی والدہ پاکستان میں ایک فیشن آئیکون تھیں اور ان کے لباس اور انداز کو پسند کیا جاتا تھا، اسی لیے انہوں نے ان کے نام سے ہی دیدہ زیب ملبوسات کا برانڈ متعارف کرایا ہے۔

ملکہ ترنم کی صاحبزادی کے مطابق ان کی والدہ نے بدلتے وقت کے ساتھ اپنے میک اپ، لباس، اسٹائل اور فیشن کو بھی تبدیل کیا، جس وجہ سے وہ آئیکون رہیں۔

جواب دیں

آپ کا ای میل ایڈریس شائع نہیں کیا جائے گا۔

Back to top button