تازہ ترینخبریںفن اور فنکار

شویتا تیواری نے اپنے بیان پر کیوں معافی مانگی؟

بھارتی ٹیلی ویژن اور فلموں کی معروف اداکارہ شویتا تیواری نے بھگوان کے بارے میں اپنے متنازع بیان پر معذرت کرتے ہوئے کہا ہے کہ انھوں نے جو کچھ کہا وہ اپنے ساتھی اداکار سورابھ راج جین کے حوالے سے کہا تھا۔

واضح رہے کہ انھوں نے ایک ایونٹ کے موقع پر بھوپال میں ایک جملہ کہا تھا جس پر ایک طوفان کھڑا ہوگیا تھا۔

وہ بھوپال میں ایک آئندہ آنے والی ویب سیریز کی پروموشن کے لیے گئی تھیں۔ جہاں انھوں نے ایک بیان دیا جس پر مبنی ایک کلپ سوشل میڈیا پر زیر گردش ہے جس میں انھوں نے اپنے جسمانی خدوخال کے حوالے سے بھگوان کا ذکر کیا تھا۔

تاہم اس پر پرستاروں نے کافی تنقید کی جبکہ بعض نے ان پر مذہبی جذبات کو ٹھیس پہنچانے کا الزام عائد کرتے ہوئے ان کی گرفتاری کا مطالبہ کیا۔

تاہم اب شویتا نے اس حوالے سے وضاحت کرتے ہوئے معذرت بھی طلب کی ہے، ان کا کہنا ہے کہ ان کے جملے کو سیاق وسباق سے ہٹ کر لیا گیا ہے جبکہ انھوں نے تو اپنے ایک ساتھی اداکار کے سابق کردار کا حوالہ دیا تھا۔

جواب دیں

آپ کا ای میل ایڈریس شائع نہیں کیا جائے گا۔

Back to top button