ترک باکسر ”موسیٰ یامک “رنگ میں دل کا دورہ پڑنے سے جاں بحق
جرمن باکسنگ چیمپئین کے دوران ترک باکسر ”موسیٰ یامک “رنگ میں موت کے ہاتھوں ناک آوٹ ہوگئے .
ترک باکسر موسیٰ یامک مسلسل8 میچوں سے ناقابلِ شکست تھے، انہوں نے پروفشنل باکسنگ کا آغاز سال 2017 میں کیا تھا جبکہ 2021 میں ورلڈ باکسنگ فیڈریشن انٹرنیشنل ٹائٹل جیتنے پر شہرت ملی تھی۔
جرمنی کے شہر میونخ میں 38 سالہ ترک باکسر موسیٰ یامک رنگ میں یوگنڈا کے حمزہ وینڈیرا سے باکسنگ کررہے تھے کہ میچ کے دوران انہیں اچانک دل کا دورہ پڑا جو جان لیوا ثابت ہوا،موسیٰ کو فوری طبی امداد کے لیے اسپتال منتقل کیا گیاجہاں ڈاکٹروں نے ان کی موت کا اعلان کردیا.
Turkish-German boxer Musa Yamak, 38, died of a heart attack during a fight that was being broadcast live. pic.twitter.com/fSFEwVSlQC
— 3 ~ VaccineInjuries.ca (@M_T_L514) May 17, 2022
ترک عہدیدار حسن توران نے ٹوئٹر پر کہا کہ ہم نے اپنے ہم وطن موسٰی اسکان یامک کو کھودیا ہے، انہوں نے حال ہی میں یورپی اور ایشیائی چیمپئن شپ جیتی تھی ،موسیٰ کا تعلق ترکی کے شہر ایلورہ سے تھا۔فائٹ کے تیسرے راونڈ میں میچ کے دوران وینڈیرا نے یامک پر مکے برسائے تھے، جس کے باعث وہ لڑکھڑا گئے تھے، میچ تمام ڈیجیٹل پلیٹ فارمز پر براہ راست دکھا جا رہا تھا. ان کے مداح ان کی موت کی خبر سن کر دھاڑیں مار ماڑ کر رونے لگے.
