نوشکی: سیکیورٹی فورسز کے قافلے پر خودکش حملہ، 5 اہلکار جاں بحق، 12 سے زائد زخمی

نوشکی میں سیکیورٹی فورسز کے قافلے کے قریب مبینہ خودکش دھماکے میں 5اہلکار جاں بحق اور 12 سے زائد زخمی ہوگئے، متعداد زخمیوں کی حالت تشویشناک ہے جس کے باعث پولیس نے اموات میں اضافے کا خدشہ ظاہر کردیا۔

پولیس کا کہنا ہے کہ دھماکا پاک ایران شاہراہ این 40 پر ہوا، جس کی آواز دور دور تک سنی گئی، دھماکے کے بعد سول ہسپتال نوشکی میں ایمرجنسی نافذ کردی گئی ہے۔

دھماکے کے بعد سیکورٹی فورسز کی بھاری نفری نےعلاقےکاگھیراؤ کرلیا، پولیس کے مطابق دھماکے میں 5 اہلکار جاں بحق 12 سے زائد زخمی ہوگئے، اموات میں اضافے کا خدشہ ہے۔

پولیس کے مطابق ابتدائی تحقیقات سے دھماکا خودکش معلوم ہوتا ہے، شواہد کےمطابق خود کش حملہ آور نےبارود سےبھری گاڑی ٹکرائی، زخمیوں کو ٹیچنگ اسپتال نوشکی منتقل کیا جارہا ہے۔