وڈیو وائرل … خاتون رپورٹر نے ٹرمپ کے چہرے پر "مائیک” مار دیا !
امریکی صدر ڈونلڈ ٹرمپ کو جمعے کے روز میرلینڈ ریاست میں اینڈروز کے فوجی اڈے پر عجیب صورت حال کا سامنا کرنا پڑا۔
سوشل میڈیا پر امریکیوں کی جانب سے گذشتہ چند گھنٹوں میں اس منظر کی وڈیو وسیع پیمانے پر پھیل گئی۔
ٹرمپ صحافیوں کے بیچ کھڑے غزہ کی صورت حال اور روس اور یوکرین کے بیچ امریکی وساطت پر بات کر رہے تھے کہ اچانک ایک خاتون رپورٹر کا مائیک "غیر دانستہ” طور پر امریکی صدر کے منہ پر لگ گیا۔
خاتون رپورٹر نے شرمندہ ہو کر فوری طور پر ٹرمپ سے معذرت کی۔
امریکی صدر نے اس پر ازراہ مذاق کہا کہ "آج رات آپ مشہور ہو جائیں گی، اور ایک بڑی خبر بن جائیں گی”۔
ٹرمپ کا اشارہ اس جانب تھا کہ میڈیا اور سوشل میڈیا اس منظر کے کلپ سے بھر جائے گا۔
یہ بات معروف ہے کہ امریکی صدر اپنے پیش رو جو بائیڈن کے برعکس، کبھی کبھار صحافیوں کے ساتھ سخت رویہ رکھتے ہیں، اور کبھی کبھار ان کے سوالات کو احمقانہ قرار دیتے ہیں۔ اس کے علاوہ، وہ اکثر میڈیا پر تنقید کرتے ہیں اور اسے اپنے خلاف متعصب سمجھتے ہیں، لیکن دوسری طرف وہ اکثر اپنی پریس کانفرنسوں میں مذاق کرتے نظر آتے ہیں۔
