بھارت کا اسٹارلنک انٹرنیٹ کیلئے ایلون مسک کی اسپیس ایکس کے ساتھ معاہدہ

بھارتی ٹیلی کام کمپنی ’ایئرٹیل‘ نے ملک میں اسٹارلنک انٹرنیٹ سروسز کے لیے ایلون مسک کی کمپنی اسپیس ایکس سے معاہدہ کرلیا۔

بھارتی میڈیا رپورٹس کے مطابق بھارتی ٹیلی کام کمپنی نے اسٹار لنک کی تیز رفتار انٹرنیٹ سروسز حاصل کرنے کے لیے ارب پتی امریکی بزنس مین ایلون مسک کی اسپیس ایکس کے ساتھ ایک معاہدے کا اعلان کیا۔

ایئرٹیل کی جانب سے جاری بیان میں کہا گیا کہ یہ بھارت میں ہونے پہلا معاہدہ ہے تاہم اسپیس ایکس کو ملک میں اپنے آپریشنز کا آغاز کرنے کے لیے حکومت کی منظوری درکار ہوگی۔

اس معاہدے کے تحت امریکی سیٹلائٹ انٹرنیٹ کمپنی ایئرٹیل کے ریٹیل اسٹور نیٹ ورک کو پورے بھارت میں اپنی ڈیوائسز تقسیم کرنے کے لیے استعمال کر سکے گی