لاہور میں تشدد کرکے اے ایس آئی کو موت کے گھاٹ اتارنے والے ملزمان اسلام آباد سے گرفتار
لاہور میں ایف ائی اے کورٹ کے باہر تشدد کرکے اے ایس آئی محمد شاہد کی جان لینے والے ملزمان عدیل جاوید اور عمیر جاوید کو اسلام آباد سے گرفتار کر لیا گیا۔
انوسٹی گیشن ونگ کی ٹیم اشتہاری ملزم کی گرفتاری کے لیے مزنگ گئی تھی، اشتہاری ملزم نے ساتھیوں کے ہمراہ پولیس ٹیم پرحملہ کر کے تشدد کیا تھا جس کے نتیجے میں اے ایس آئی شاہد جان کی بازی ہار گیا تھا
آئی جی پنجاب کی ہدایت پر ملزمان عدیل جاوید اور عمیر جاوید کی گرفتاری کے لیےخصوصی ٹیم تشکیل دی گئی، ڈی آئی جی آپریشنز فیصل کامران کے مطابق ملزمان موقع سے فرار ہو کرروپوش ہو گئے تھے، ملزمان کو اسلام آباد میں بنی گالہ سے گرفتارکیاگیا، ملزمان کو مزید کاروائی کے لیے انویسٹیگیشن ونگ کے حوالے کر دیا گیا ہے۔
ڈی آئی جی آپریشنز کا کہناہے کہ محکمہ پولیس کاہرجوان جان ہتھیلی پر رکھ کر قوم کی خدمت کرتا ہے،فرض کی راہ میں جان دینے والے پولیس افسران اور اہلکار ہمارا قیمتی اثاثہ ہیں،ملزمان کو قانون کے مطابق کیفرکردار تک پہنچایا جائے گا
