دلچسپ و حیرت انگیز
بزرگ کی مدد میں تاخیر پر پورے محکمے کو 20 منٹ کھڑا ہونے کی سزا
بھارت میں ادھیڑ عمر شخص کو سروس فراہم کرنے میں تاخیر برتنے پر سی ای او نے پورے محکمے کو 20 منٹ کے لیے کھڑا کر دیا۔
نوئیڈا کے رہائشی پلاٹ ڈپارٹمنٹ کے سی ای او نے کم از کم 16 ملازمین کو کھڑا ہونے کی سزا دے کر اس وقت اسکول کی یاد تازہ کروا دی جب انہوں نے دیگر عوام سمیت ایک بزرگ شہری کو بھی کاؤنٹر پر 20 منٹ تک انتظار کرتے دیکھا۔
غیر ملکی میڈیا رپورٹس کے مطابق نوئیڈا اتھارٹی کے سی ای او ڈاکٹر لوکیش ایم نے سروس کاؤنٹر پر ایک بزرگ شخص کو غیر ضروری طور پر انتظار کرتے دیکھ کر عملے کے خلاف سخت کارروائی کی۔
معمول کی سی سی ٹی وی مانیٹرنگ کے دوران ڈاکٹر لوکیش نے سروس میں تاخیر ہوتے دیکھی اور عملے کو اس مسئلے کو فوری طور پر حل کرنے کی ہدایت کی
