گیس چوری کے خلاف کریک ڈاؤن: 84 کنکشن منقطع، 27 لاکھ روپے سے زائد جرمانے
سوئی ناردرن گیس کی جانب سے گیس چوری کے خلاف جاری مہم کے دوران پنجاب، خیبر پختونخوا اور اسلام آباد کے مختلف علاقوں میں مزید 84 گیس کنکشن منقطع کر دیے گئے، جبکہ 27 لاکھ روپے سے زائد جرمانے عائد کیے گئے۔
لاہور میں گیس کے غیر قانونی استعمال پر 19 کنکشن اور کمپریسر کے استعمال پر 14 کنکشن منقطع کیے گئے، جبکہ گیس چوروں پر 12 لاکھ 50 ہزار روپے کے جرمانے عائد کیے گئے۔ گوجرانوالہ میں 2 کنکشن غیر قانونی گیس کے استعمال پر اور 1 کنکشن کمپریسر کے استعمال پر منقطع کیا گیا، اور 2 لاکھ 70 ہزار روپے کے جرمانے عائد کیے گئے۔ ملتان میں غیر قانونی گیس کے استعمال پر 14 کنکشن اور کمپریسر کے استعمال پر 9 کنکشن منقطع کیے گئے۔ فیصل آباد میں 3 کنکشن غیر قانونی گیس کے استعمال پر منقطع کیے گئے اور 40 ہزار روپے کا جرمانہ عائد کیا گیا۔
شیخوپورہ میں غیر قانونی گیس استعمال کرنے پر 2 کنکشن منقطع کیے گئے اور 3 لاکھ 90 ہزار روپے کے جرمانے عائد کیے گئے۔ ساہیوال میں 2 کنکشن غیر قانونی گیس کے استعمال پر منقطع کیے گئے اور 1 لاکھ 40 ہزار روپے کے جرمانے عائد کیے گئے۔ بہاولپور میں 1 کنکشن غیر قانونی گیس کے استعمال پر اور 3 کنکشن کمپریسر کے استعمال پر منقطع کیے گئے۔
راولپنڈی میں غیر قانونی گیس استعمال کرنے پر 2 کنکشن اور کمپریسر کے استعمال پر 4 کنکشن منقطع کیے گئے۔ پشاور اور کرک میں غیر قانونی گیس کے استعمال پر 4 کنکشن منقطع کیے گئے اور 2 لاکھ سے زائد کے جرمانے عائد کیے گئے۔ مردان میں 4 کنکشن غیر قانونی گیس کے استعمال پر منقطع کیے گئے اور 4 لاکھ روپے کے جرمانے عائد کیے گئے۔
