اولاد نہ ہونے پر سپر سٹار بول پڑے

معروف اداکار نے ایک سوال کے جواب میں کہا کہ انہیں انگریز لڑکیوں کے بجائے پاکستانی لڑکیاں پسند ہیں۔ بات ہو رہی ہے ہمایوں سعید کی۔ ہمایوں سعید نے اولاد نہ ہونے سے متعلق پہلی بار انکشاف کیا ہے کہ کچھ مسائل اور پیچیدگیوں کی وجہ سے ان کے ہاں اولاد نہیں ہوئی۔

اداکار ہمایوں سعید کی 1995 میں ثمینہ ہمایوں کے ساتھ شادی ہوئی تھی، ان کی شادی کو 25 سال سے زائد کا عرصہ گزر چکا ہے لیکن ان کے ہاں کوئی اولاد نہیں ہے۔
ایڈوینچر سے متعلق سوال پر ہمایوں سعید نے کہا کہ ان کے ایڈوینچر الگ قسم کے ہوتے ہیں لیکن وہ اس کی تفصیل نہیں بتاسکتے کیونکہ انہیں اپنی بیوی سے ڈر لگتا ہے۔

اداکار نے ایک اور سوال کے جواب میں بتایا کہ کہا جاتا ہے کہ کامیاب مرد کے پیچھے ایک عورت کا ہاتھ ہوتا ہے، لیکن ان کی کامیابی کے پیچھے ایک عورت نہیں بلکہ کئی عورتوں کا ہاتھ ہے۔

ہمایوں سعید نے کہا کہ ان کی کامیابی کے پیچھے بیوی ثمینہ کے علاوہ نادیہ جمیل، ثانیہ سعید کا اہم کردار ادا ہے۔

اداکار نے اولاد نہ ہونے سے متعلق سوال پر کہا کہ کچھ مسائل کی وجہ سے ان کی اولاد نہیں ہوسکی، یہ اللہ کی مرضی ہے۔

اسکینڈلز سے متعلق سوال پر ہمایوں سعید نے کہا کہ پہلے وہ اپنے متعلق اسکینڈلز کو مذاق میں لیتے تھے لیکن اب اگر کوئی اسکینڈل آجائے تو انہیں بُرا لگتا ہے، ایسے اسکینڈلز سے فیملی متاثر ہوتی ہے، لوگ طرح طرح کی باتیں کرتے ہیں، شروع میں وہ نظر انداز کردیتے تھے لیکن جب سے سوشل میڈیا آگیا ہے لوگ ہر بات پر یقین کرلیتےہیں۔

انہوں نے مزید کہا کہ سوشل میڈیا پر کئی طرح کے اسکینڈلز گردش کرتے ہیں، چاہے میری اداکارہ میرا، عائشہ خان یا مشی خان سے شادی ہو، لوگ یقین کرلیتے ہیں لیکن میری شادی صرف ایک ہی ہے اور وہ ثمینہ سے ہے۔