سیاسیات

مسائل کا حل بات چیت ہی میں ہے، سابق صدر عارف علوی

پاکستان تحریک انصاف (پی ٹی آئی) کے رہنما اور سابق صدر پاکستان عارف علوی کا کہنا ہے کہ مسائل کا حل بات چیت ہی میں ہے، بات چیت کےلیے اپنی کوشش کرتے رہیں گے، ناکامی تب ہو گی جب ناکامی مان لوں گا۔

لاہور میں میڈیا سے گفتگو کرتے ہوئے عارف علوی نے کہا کہ جمعرات کو بانی پی ٹی آئی سے ملاقات ہوئی ان کو اچھی صحت اور اچھے موڈ میں پایا۔

انکا کہنا تھا کہ بانی پی ٹی آئی اتنا مینڈیٹ لینے کے بعد بھی قید میں ہیں، موجودہ پارلیمنٹ فارم 47 والی ہے، اس کے پاس مینڈیٹ کم ہے، اس وقت فارم 47 والی حکومت ہے، یہ چلتی رہی تو حالات خراب ہوں گے۔

 عارف علوی نے کہا کہ میڈیا آزاد ہے تو لوگوں کو پتہ چل رہا ہے دنیا میں کیا ہورہا ہے، غزہ میں سوشل میڈیا پر تصویروں سے پتا چلا کتنا ظلم ہو رہا ہے، پاکستان واحد ملک ہے جس میں سوشل میڈیا کو بند کیا گیا۔

پی ٹی آئی رہنما نے کہا کہ سعودی عرب سے آنے والے وفد سے فائدہ ہوگا، پاکستان کو اس وقت سرماریہ کاری کی ضرورت ہے۔

سابق صدر پاکستان کا کہنا تھا کہ 6 ججز کے خط سے متعلق سپریم کورٹ میں کیس ہے، ہمارے تمام ادارے ایک بند گلی میں چلے گئے ہیں۔ فوج میری ہے، میں نے ہمیشہ اس کا دفاع کیا۔

انہوں نے یہ بھی کہا کہ پنجاب میں پولیس نے ہر کسی کے گھر جا کر توڑ پھوڑ کی۔

جواب دیں

Back to top button