الخدمت فاؤنڈیشن کے تحت قاہرہ میں غزہ مہاجرین میں عید تحائف تقسیم
الخدمت فاؤنڈیشن پاکستان کے تحت قاہرہ میں غزہ مہاجرین میں عید تحائف تقسیم کیے گئے۔
تفصیلات کے مطابق الخدمت فاؤنڈیشن پاکستان کے صدر ڈاکٹر حفیظ الرحمٰن نے عید غزہ کے زخمیوں اور مہاجرین کے ساتھ قاہرہ مصر میں منائی۔
ڈاکٹر حفیظ الرحمٰن نے غزہ کے بچوں اور فیملیز کو شاپنگ کروائی اور متاثرین کو الخدمت کی جانب سے فوڈ پیکج اورعید تحائف فراہم کیے، قاہرہ میں فلسطینی بچوں میں کھلونے اور نقد عیدی بھی تقسیم کی گئی۔
صدر الخدمت فاؤنڈیشن نے دیگر ذمہ داران کے ہمراہ قاہرہ کے اسپتالوں میں موجود غزہ کے زخمیوں کی عیادت کی اور انھیں تحائف تقسیم کیے، ڈاکٹر حفیظ الرحمٰن کا کہنا ہے کہ الخدمت فاؤنڈیشن غزہ سے مصر ہجرت کرنے والے 3600 زخمیوں اور 4500 لواحقین کو قاہرہ میں امداد فراہم کر رہی ہے۔
ان کا کہنا تھا کہ الخدمت فاؤنڈیشن آج قاہرہ مصر میں موجود غزہ کے مہاجرین کے لیے ضیافت کا اہتمام کرے گی۔
