Column

وفاقی محتسب انصاف تک آسان رسائی کا ادارہ

تحریر : ضیاء الحق سرحدی
اقوام متحدہ کی قراردادوں کے مطابق عوام النا س کی محتسب(Ombudsman)تک آسان رسائی ان اداروں کی بنیا دی خصوصیت قرار دی گئی ہے۔ اسی نقطہ نگاہ سے وفاقی محتسب کا ادارہ آئین کے آرٹیکل37(d)کے مطابق عوام النا س کو عملی طور پر ان کے گھر کی دہلیز پر مفت اور فوری انصاف فراہم کر رہا ہے۔ وفاقی محتسب غر یب لوگوں کی عدالت کے طور پر معروف ہے جو سر کا ری اداروں کی بد انتظا می کی شکا یات کے خلاف انسا نی حقوق کے محا فظ کے طور پر سب کو یکساں، جلد اور سستا انصاف فراہم کر رہا ہے۔وفاقی محتسب پا کستان کا پہلا ادارہ ہے جو بد انتظا می کی شکایات کے فوری ازالے کے لئے 24 جنو ری 1983ء کو ایک صدا رتی حکم کے تحت قا ئم کیا گیا۔
وفاقی محتسب کے قیام کے صدا رتی حکم میں بد انتظا می میں وہ تمام فیصلے، اعمال اور سفا رشات شا مل ہیں جو قانون اور قواعد وضوابط کے خلا ف ہوں یابلاوجہ، بے بنیاد، اقر باء پروری یا جا نبدارانہ امور پرمشتمل ہوں یااختیارات سے تجا وز یا ان کے غلط استعمال پر مبنی ہوں جن میں بد عنوانی، رشوت خوری،اقرباء پروری، جانبداری اور انتظامی زیادتی یا فرا ئض کی انجام دہی میں کو تاہی، بے تو جہی، بلاوجہ تا خیر اور نا اہلی وغیرہ شا مل ہیں۔گو یا بدانتظامی و بد عنوا نی کا خا تمہ درحقیقت انسا نی حقو ق کے تحفظ، گڈ گو رننس اور قا نون کی حکمرا نی تک پہنچنے کا بنیا دی ذریعہ ہے اوربد انتظامی کو روکنے کا دوسرا مطلب ہے انسا نی حقوق کا احترام، اچھے حکو متی انتظامات کا اہتمام اور قا نون کی حکمرانی کا قیام۔ بد انتظا می اور حکومتی اداروں کی نا قص کا رکر دگی ایک ہی سکے کے دورخ ہیں۔دونوں اقربا ء پر وری اور امتیا زی سلوک کی گود میں پر ورش پا تے ہیں، جس کے نتیجے میں سب سے پہلے میرٹ کا قتل ہو تا ہے۔
وفاقی محتسب 41 سال کے دوران اکیس لاکھ سے زائد شکا یات کا ازالہ کر چکا ہے اور سب سے اہم با ت یہ ہے کہ وفاقی محتسب سے انصاف حاصل کر نے کے لئے نہ کسی وکیل کی ضرورت ہو تی ہے اور نہ ہی کسی قسم کی کو ئی فیس ہے۔ شکایت کنند گان کو با لکل مفت انصاف فرا ہم کیا جا تا ہے۔ وفاقی محتسب کے قیام کے آ غا ز میں صرف چاروں صو بائی دا رالحکو متوں میں چار علا قا ئی دفا تر تھے، اب اس کے 18 علا قا ئی دفا تر اور چا ر شکایات مر کز ملک کے مختلف حصوں میں کام کر رہے ہیں جب کہ گلگت بلتستان اور آزاد کشمیر میں جلد ہی علاقائی دفا تر کھولنے کا منصو بہ زیر غور ہیں۔ سال 2023 ء میں وفاقی محتسب میں 194106 شکا یات موصول ہو ئیں جو گزشتہ برس کے مقا بلے میں 18 فیصد زیا دہ تھیں جب کہ اس سال 193030 شکا یات کے فیصلے کئے گئے جو اس سے پہلے سال کے مقا بلے میں 22 فیصد زیا دہ تھے۔انفا رمیشن ٹیکنا لو جی کے استعمال کی وجہ سے وفاقی محتسب تک رسا ئی بہت آسان ہو گئی ہے جس کی وجہ سے شکایات میں کا فی اضا فہ ہوا ہے۔ سال 2023ء میں آن لا ئن شکا یات میں سال 2022 ء کی نسبت 47 فیصد اضافہ ہوا۔آج مو با ئل فون کی سہو لت چو نکہ ہر فرد کو میسر ہے اور اس کا استعمال بھی آسان ہے اس لئے مو با ئل ایپ اور واٹس ایپ کے ذریعی آ نے والی شکا یات میں خاظرخواہ اضا فہ ہوا۔ مز ید برآں وفاقی محتسب کی ویب سا ئٹ پر اردو میں بھی معلو مات کا اضا فہ کیا گیا جس سے وفاقی محتسب کے با رے میں انگر یزی سے نا واقف طبقے میں بھی آ گا ہی پیدا ہوئی اور انہیں وفاقی محتسب تک اپنی شکا یات پہنچا نے کا مو قع ملا۔ علا وہ ازیں وفاقی محتسب میں شکا یت کنند گان کو یہ سہولت بھی حا صل ہے کہ وہ سماعت میں آن لائن بھی شا مل ہو سکتے ہیں اور انہیں اس مقصد کے لئے دفتر آ نا ضروری نہیں۔وفاقی محتسب کی ہیلپ لائن نمبر:1055 کے ذریعے عوام النا س ہر قسم کی معلو مات اور اپنی شکا یات کے با رے میں تا زہ تر ین صورتحال بھی معلوم کر سکتے ہیں۔وفاقی محتسب میں عوام النا س کو گھر کے قر یب انصاف فرا ہم کر نے کے لئے مختلف پروگرام جا ری ہیں۔ جنو ری 2016 ء میں Outreach Complaint Resolution(OCR) کے نام سے ایک پروگرام شر وع کیا گیا جس کے تحت وفاقی محتسب کے افسران تحصیل اور ضلعی ہیڈ کوا رٹرز میں خود جا کر متعلقہ اداروں کے افسران اور ضلعی انتظامیہ کو بلا کر شکا یات کی سما عت کر تے ہیں اور اس سارے عمل میں میڈ یا کو بھی شا مل کیا جا تا ہے جس سے عوام النا س میں وفاقی محتسب کے با رے میں آ گا ہی میں اضا فہ ہو تا ہے۔ او سی آر کے اس پروگرام کو مز ید آ گے بڑ ھا تے ہوئے وفاقی محتسب خود اور ان کے مجاز افسران ملک کے دور دراز علا قوں میں کھلی کچہر یاں بھی لگا تے ہیں، جہاں ہر ایک کو یہ مو قع دیا جا تا ہے کہ وہ اپنی شکا یات کے ساتھ ساتھ عوامی اہمیت کے مسا ئل اٹھا کر انصاف حا صل کر یں۔
سال 2023 ء میں علا قا ئی دفا تربہاولپور، ڈیر ہ اسما عیل خان، گوجرانوالہ، حید رآباد، لا ہور، ملتان اور سکھر کے افسران نے دور دراز علا قوں میں خود جاکر اوسی آر پروگرام کے دورے کر کے 3149 شکا یات نمٹا ئیں جب کہ سال 2023ء میں 19 دور دراز اضلا ع بشمول کرک، ہنگو، بنوں، کو ہلو، تربت، شانگلہ اور درگئی میں کھلی کچہریاں لگا ئی گئیں۔ او سی آر کے دورہ جات اور کھلی کچہر ی عوام النا س کی شکا یات کے فو ری اور بلا رکا وٹ ازالے میں بہت مفید ثا بت ہو رہی ہیں اور ملک کے دور دراز اور پسما ند ہ علا قوں کے عوام کے لئے اور بھی مفید ہیں کیو نکہ انصاف کے حصول تک ان کی رسائی قدرے مشکل ہو تی ہے۔ او سی آر دوروں میں میڈ یا کی شمو لیت سے اس کی اہمیت اور بھی بڑ ھ جا تی ہے کیو نکہ میڈ یا کے ذریعے عوام النا س کے اندر وفاقی محتسب کے با رے میں آ گا ہی میں اضا فہ ہو تا ہے اور وہ وفاقی اداروں کے خلاف وفاقی محتسب میں اپنی شکایات کر کے کسی وکیل اور فیس کے بغیر جلد اور مفت انصاف حا صل کر سکتے ہیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button