سپیشل رپورٹ

جذبہ خیر سگالی، 20 مارچ کو نوروز کی مناسبت سے بادشاہی مسجد میں چراغاں کیا جائے گا

 وزیراعلیٰ پنجاب مریم نواز نے ایران کے قونصل جنرل مہران مواحد فر سے ملاقات میں کہا کہ خیر سگالی کے طور پر 20 مارچ کو نوروز کی مناسبت سے بادشاہی مسجد میں چراغاں کیا جائے گا۔

تفصیلات کے مطابق وزیراعلیٰ پنجاب مریم نواز سے ایران کے قونصل جنرل مہران مواحد فر کی ملاقات ہوئی ، ملاقات دو طرفہ تعلقات کے فروغ اور باہمی تعاون سمیت ایکسپورٹ بڑھانے کے حوالے سے تبادلہ خیال کیا گیا۔

وزیراعلیٰ مریم نواز اور ایرانی قونصل جنرل کا ثقافتی وفود کے تبادلے پر اتفاق کیا اور فوری اقدامات کا اصولی فیصلہ کیا۔

دونوں ممالک کے درمیان یوتھ کلچر ایکسچینج پروگرام کے فروغ کا فیصلہ بھی کیا گیا، خیر سگالی کے طور پر 20 مارچ کو نوروز کی مناسبت سے بادشاہی مسجد میں چراغاں کیا جائے گا۔

وزیراعلیٰ پنجاب مریم نواز نے کہا ایران کے ساتھ باہمی زرعی تجارت کو بڑھانا چاہتے ہیں، پاکستان اور ایران ایک دوسرے کے ساتھ ثقافتی اور مذہبی طور پر جڑے ہیں۔

مریم نواز کا کہنا تھا کہ پاکستان اورایران کے عوام کا تاریخی رشتہ صدیوں پر محیط ہے، پاکستان اور ایران کے تعلقات کو بلندیوں پر لے جانا چاہتے ہیں۔

ایران کے قونصل جنرل مہران مواحد فر نے کہا وزیر اعلیٰ مریم نواز شریف کا پاک ایران تعلقات بڑھانے کا ویژن قابل تعریف ہے، پاکستان کے ساتھ تعلقات کا مستقبل درخشاں ہے۔

ایرانی قونصل جنرل مہران مواحد فرکا حکومت پنجاب اور عوام کے لئے نیک تمناؤں کا اظہار کیا۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button