سیاسیات

پی ٹی آئی نے 5 صحافیوں کے ٹی وی پروگرامز کا بائیکاٹ کردیا

پاکستان تحریک انصاف نے پارٹی رہنماؤں کو نجی ٹی وی چینلز پر ٹاک شوزکرنے والے 5 اینکرز کے پروگرامز میں شرکت نہ کرنے کی ہدایت کردی۔

یہ فیصلہ گزشتہ روز پی ٹی آئی کور کمیٹی اجلاس میں کیا گیا جس کا نوٹیفکیشن جاری کردیا گیا ہے۔

پی ٹی آئی کور کمیٹی کے اجلاس کے بعد جاری کیے جانے والے سرکلر میں بتایا گیا ہے کہ پارٹی رہنماؤں کے بعض ٹی وی چینلز اور اینکرز کے پروگرام میں شرکت پر پابندی عائد کر دی گئی ہے۔

کور کمیٹی نے 5 اینکرز کی فہرست جاری کرتے ہوئے پارٹی رہنماؤں کو پابند کیا گیا ہے کہ اِن اینکرز کے پروگرام کا بائیکاٹ کریں گے۔
پی ٹی آئی کی جانب سے جن 5 اینکرز اور ان کے پروگرامز کے بائیکاٹ کا اعلان کیا گیا ہے ان میں دُنیا نیوز پر کامران شاہد کا پروگرام ’آن دی فرنٹ، ڈان نیوز پرعادل شاہ زیب کا پروگرام ’ ’لائیو ود عادل شاہ‘ ، سماء نیوز پر منیب فاروق کے پروگرام ’میرا سوال وِد منیب فاروق‘ اور جیو نیوز کے 2 اینکرز شاہ زیب خانزادہ ، سلیم صافی اور اُن کے پروگرامز ’آج شاہ زیب خانزادہ کے ساتھ‘ اور ’جرگہ‘ شامل ہیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button