سیاسیات

تحریک انصاف نے منتخب آزاد اراکین سے حلف لینا شروع کر دیئے

پاکستان تحریک انصاف (پی ٹی آئی) نے آزاد امیدواروں کو متحد رکھنے کے لیے حکمت عملی تیار کرلی، کامیاب امیدواروں سے حلف لینے کا فیصلہ کیا گیا ہے جبکہ شاہد خٹک کا حلف نامہ بھی سامنے آگیا۔

ذرائع کے مطابق پی ٹی آئی نے نو منتخب آزاد امیدواروں کو متحد رکھنے کے لیے سب سے بیان حلف لینے کا فیصلہ کیا ہے۔

جس کے پیش نظر این اے 38 کرک سے نو منتخب ایم این اے شاہد خٹک نے حلف نامہ پارٹی کو پیش کردیا۔

شاہد خٹک نے حلف نامے میں لکھا کہ مسلم لیگ (ن) اور پیپلز پارٹی سمیت کسی پارٹی کو جوائن نہیں کروں گا بلکہ سابق چیئرمین پی ٹی آئی عمران خان کی ہدایت کے مطابق پارٹی جوائن کروں گا اور عمران خان ساتھ ہمیشہ وفادار رہوں گا
اس سے قبل گزشتہ روز این اے 121 لاہور سے کامیاب نو منتخب رکن قومی اسمبلی اور پی ٹی آئی لاہور کے جنرل سیکرٹری وسیم قادر مسلم لیگ (ن) میں شامل ہوگئے تھے۔

وسیم قادر نے پاکستان مسلم لیگ (ن) کی سینیئر نائب صدر اور چیف آرگنائزر مریم نواز شریف سے ملاقات کی اور ن لیگ میں شمولیت کا اعلان کیا تھا

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button