پاکستان

شیر افضل مروت کی گاڑی پر فائرنگ

پاکستان تحریک انصاف (پی ٹی آئی) کے رہنما شیر افضل مروت کی گاڑی پر فائرنگ کی گئی ہے۔

اپنے بیان میں شیر افضل مروت نے کہا کہ لکی مروت میں میری بلٹ پروف گاڑی پرفائرنگ کی گئی ہے، مجھے نشانہ بنانے کیلئے 2 خودکش بمبار بھیجے گئے ہیں، سیکیورٹی خدشات کے پیش نظر میں آج سے اپنےحجرے میں موجود نہیں ہوں گا۔

شیر افضل مروت نے کہا کہ خوش قسمتی سے فائرنگ کے وقت گاڑی میں موجود نہیں تھا، سیکیورٹی اداروں نے پہلے بھی مجھے تھریٹ الرٹ کا بتایا تھا۔

انہوں نے مزید کہا کہ کارکن، سپورٹرزجیت کی مبارکباد دینے فی الحال میرےحجرے پر تشریف نہ لائیں، حالات بہتر ہوتے ہی حلقے کے عوام کا شکریہ ادا کرنے آؤں گا۔

پی ٹی آئی رہنما نے کہا کہ تھریٹس کے باعث گھر کے باہر پولیس، ایف سی اہلکار تعینات کر دیے گئے ہیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button