دنیا کی معمر ترین ٹیسٹ کرکٹر ایلین ایش انتقال کر گئیں۔ ان کی عمر 110 سال تھی۔
ایلین ایش نے جنگ عظیم دوئم سے پہلے بھی انگلینڈ کرکٹ ٹیم کی طرف سے کرکٹ کھیلی۔ وہ دنیا کی معمر ترین ٹیسٹ کرکٹر تھیں۔
انگلینڈ اینڈ ویلز کرکٹ بورڈ نے ان کے انتقال کی خبر کی تصدیق کرتے ہوئے سوشل میڈیا ویب سائٹ ٹوئٹر پر ٹویٹ کیا ہے۔ ٹویٹ میں لکھا گیا ہے کہ انگلینڈ کر کٹ بورڈ کی ہمدردی ایلین ایش کے خاندان کے ساتھ ہیں۔
The thoughts of everyone at the ECB are with the family and loved ones of Eileen Ash, who has died aged 110.
— England Cricket (@englandcricket) December 4, 2021
ایلین ایش دائیں ہاتھ کی فاسٹ بولر تھیں جنہوں نے اپنے کیریئر میں 10 وکٹیں حاصل کیں۔ انہوں نے اپنا ٹیسٹ ڈیبیو آسٹریلیا کیخلاف 1937 میں کیا تھا۔ وہ 1949 میں ایشز کھیلنے انگلش ٹیم کے ہمراہ آسٹریلیا بھی گئی تھیں۔ جہاں انہوں نے اچھی کارکردگی کا مظاہرہ کیا.
