دنیا

ایران کو امریکا سے جنگ کے لیے کوئی خوف نہیں ہے

ایرانی پاسداران انقلاب کے سربراہ نے کہا ہے کہ امریکی دھمکی پر خاموش نہیں بیٹھیں گے، ایران کو امریکا سے جنگ کے لیے کوئی خوف نہیں ہے۔

بین الاقوامی خبر رساں ادارے کی رپورٹ کے مطابق ایرانی پاسداران انقلاب کے سربراہ حسین سلامی کا اپنے بیان میں کہنا تھا کہ تہران واشنگٹن سے براہ راست فوجی تصادم کے لیے خوفزدہ نہیں ہے۔

میڈیا رپورٹس کے مطابق ایرانی پاسداران انقلاب کے سربراہ حسین سلامی کا بیان بائیڈن کی دھمکی کے بعد سامنے آیا ہے جس میں بائیڈن نے اردن ڈرون حملے اور اس میں تین امریکی فوجیوں کی ہلاکت پر کہا تھا کہ امریکا نے جواب کا فیصلہ کرلیا ہے۔

ایرانی پاسداران انقلاب کے سربراہ حسین نے کہا کہ حالیہ دنوں میں ہم نے کچھ امریکی حکام کی طرف سے ایران کے لیے دھمکیاں سنی ہیں ان کے لیے یہ پیغام ہے کہ ہم کسی بھی دھمکی پر لاجواب نہیں رہیں گے، ہم جنگ نہیں چاہتے لیکن اس سے خوفزدہ بھی نہیں ہیں۔

واضح رہے کہ امریکی صدر کی جانب سے ایران پر الزام عائد کیا گیا تھا کہ اردن میں تین امریکی فوجیوں کی ہلاکت کا ذمہ دار ایران ہے کیونکہ ایران ہی حملہ آوروں کو ہتھیار مہیا کررہا ہے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button