نگران وزیراطلاعات مرتضیٰ سولنگی نے کہا ہے کہ ملک میں غیر قانونی مقیم افراد کی گرفتاری اور ملک بدری یقینی بنائیں گے۔
نگران وزیر اطلاعات نے کہا کہ غیر قانونی اور غیر ملکی افراد کا انخلا میں صرف 25 دن باقی ہیں، غیر قانونی مقیم غیر ملکیوں کو 31 اکتوبر تک پاکستان چھوڑنا ہوگا۔غیر قانونی مقیم افراد کی گرفتاری اور ملک بدری یقینی بنائیں گے۔
واضح رہےکہ حکومت نے پاکستان میں غیر قانونی مقیم تمام غیر ملکیوں کو ملک بدر کرنے کا حتمی فیصلہ کیا ہے جس کے لیے انہیں حکومت کی جانب سے 31 اکتوبر کی ڈیڈلائن دی گئی ہے۔
اس ضمن میں پاکستان میں غیر قانونی طور پر مقیم افغان باشندوں کا انخلا شروع ہوگیا ہے، اس کے علاوہ مختلف علاقوں میں غیر قانونی طور پر قائم افغان بستیوں کو بھی گرایا جارہا ہے۔
