روس کی وزارت دفاع نے کہا ہے کہ روسی جنگی طیارے نے بحیرہ اسود میں یوکرین کی جاسوسی کی ایک کشتی کو تباہ کر دیا ہے۔ وزارت نے منگل کو بتایا کہ یہ جہاز روسی گیس کی پیداواری تنصیبات کے قریب روانہ ہوا تھا جب اس پر سخوئی ایس یو 30 لڑاکا طیارے نے حملہ کیا۔ بیان میں اس بارے میں تفصیلات نہیں بتائی گئیں کہ کس قسم کی کشتی کو تباہ کیا گیا تھا، یا یہ واقعہ بالکل کہاں پیش آیا تھا۔
روسی حکام نے حالیہ ہفتوں میں کہا ہے کہ انہوں نے بحیرہ اسود میں اپنے جنگی جہازوں پر یوکرین کے ڈرون حملوں کو ناکام بنا دیا ہے۔
بحیرہ اسود میں دونوں طرف سے حملوں میں اضافہ ہوا ہے خاص طور پر جب سے روس اس معاہدے سے دستبردار ہو گیا ہے جس کے تحت شپنگ ہب کے ذریعے یوکرائنی اناج کی محفوظ برآمد کی اجازت دی گئی تھی۔
