تازہ ترینخبریںپاکستان سے
جسٹس (ر) مقبول باقر نگراں وزیراعلیٰ سندھ تعینات، نوٹیفکیشن جاری
جسٹس (ر) مقبول باقر کی بطور نگراں وزیر اعلیٰ سندھ تعیناتی کا نوٹیفکیشن جاری کردیا گیا۔
اے آر وائی نیوز کے مطابق چیف سیکریٹری سندھ نے نگراں وزیر اعلیٰ جسٹس (ر) مقبول باقر کی تعیناتی کا نوٹیفکیشن جاری کیا ہے۔
اس سے قبل جسٹس (ر) مقبول باقر نے نگراں وزیر اعلیٰ سندھ کے عہدے کا حلف اٹھایا تھا، ان سے گورنر سندھ کامران ٹیسوری نے حلف لیا تھا۔
گورنر ہاؤس سندھ میں ہونے والی تقریب میں مراد علی شاہ، سابق وزرا، پیپلز پارٹی، ایم کیو ایم اور جی ڈی اے سمیت سیاسی رہنماؤں نے شرکت کی تھی۔
تقریب میں غیر ملکی سفارت کاروں، تاجروں اور فوجی وسول حکام بھی شریک ہوئے تھے۔
