شمعون عباسی نے شادی کے موقع پر اپنی بیٹی اور بیگم کو ‘بے شرم لوگ’ قرار دے دیا
حال ہی میں شمعون عباسی اور ان کی سابقہ اہلیہ جویریہ عباسی کی بیٹی عنزیلہ کی شادی ہوئی جس کی تصاویر سامنے آئیں۔
سوشل میڈیا صارفین نے شمعون کی پوسٹس سمیت دیگر پوسٹ پر تبصرے کیے اور اداکار سے سوالات بھی کیے کہ وہ اپنی بیٹی کی شادی میں شریک کیوں نہیں ہوئے؟
جس کے بعد شمعون عباسی نے فیس بک پر غصے سے بھری ایک ذو معنی پوسٹ شیئر کی،
بعدازاں اداکار نے پوسٹ کو ڈیلیٹ کردیا لیکن اس کے اسکرین شاٹس سوشل میڈیا پر زیرِ گردش ہیں۔شمعون عباسی نے ڈیلیٹڈ پوسٹ میں بغیر کسی کا نام لیے لکھا کہ ‘چند بے شرم لوگوں سے اپنے تعلقات توڑنے کی یاد دہانی کروا رہا ہوں،
میں نہ کبھی ایسے بے حیا اور بے شرم لوگوں سے کوئی تعلق رکھنا چاہتا تھا اور نہ ہی کبھی ایسا کروں گا’۔مجھے فرق نہیں پڑتا کہ میرا ان سے کیا تعلق ہے مگر میری مرضی ایسے افراد سے دوری اختیار کرنے میں ہی ہے، کچھ جسمانی زخم آپ کی روح کو تکلیف پہنچنے سے بچا لیتے ہیں، اللّٰہ اکبر’۔
واضح رہے کہ شمعون عباسی اور جویریہ عباسی سال 1997 میں شادی کے بندھن میں بندھے تھے جب کہ 2009 میں اس جوڑی کے درمیان علیحدگی ہو گئی تھی۔
