فوجی عدالتوں میں سویلین کے ٹرائل کے خلاف کیس پر سپریم کورٹ نے حکم جاری کردیا، کیس میں فل کورٹ بینچ تشکیل دینےکی درخواست مسترد کردی گئی۔
فوجی عدالتوں میں سویلین کے ٹرائل کے خلاف کیس پر سپریم کورٹ کی جانب سے حکم جاری کردیا گیا، کیس میں فل کورٹ بینچ تشکیل دینےکی درخواست مسترد کرنے کا حکم نامہ جاری کیا گیا ہے۔
حکم نامے میں کہا گیا ہے کہ سپریم کورٹ 2021 میں قرار دے چکی ہے کہ بینچز کی تشکیل کا اختیار چیف جسٹس کا ہے، چیف جسٹس بطور ماسٹر آف روسٹر بینچ کی تشکیل پر فیصلہ کر چکے ہیں۔
تحریری حکم نامے میں کہا گیا ہے کہ موجودہ حالات میں فوجی عدالتوں کے کیس میں فل کورٹ بینچ تشکیل دینا ممکن نہیں، موسم گرما کی تعطیلات کے باعث تمام ججزدستیاب نہیں۔
سپریم کورٹ کا اپنے حکم میں مزید کہنا تھا کہ سماعت کے لیے 9 رکنی بینچ میں سے 2 ججز نے انکار کیا ایک جج اعتراض پر خود الگ ہوئے۔
سپریم کورٹ کی جانب سے کیس کی سماعت کے حوالے سے فل کورٹ کی تشکیل کی درخواست نمٹا دی گئی
