( رپورٹ محمد اخلا ق اسلم ) بلاول بھٹو کی زیر صدارت ورلڈ کپ کے لیے قومی کرکٹ ٹیم بھارت بھیجنے سے متعلق اجلاس٬ اجلاس کی اندرونی کہانی سامنے آگئی۔اجلاس میں وزارت خارجہ کے حکام نے ٹیم بھارت بھیجے کی حمایت کر دی۔آئی سی سی سے فول پروف سیکیورٹی مہیا کرنے کی یقین دہانی لینے کا فیصلہ ہوا۔ وزیر مملکت حنا ربانی کھر، وزیر اطلاعات مریم اورنگزیب اور وزیر قانون اعظم نذیر تارڑ نے ٹیم بھارت بھیجنے کی حمایت کی۔ وفاقی وزیر احسان مزاری نے اجلاس کے دوران ٹیم بھارت بھیجنے کی مخالفت کردی۔ دوسری جانب قمر زمان کائرہ کا بھی بھارت ٹیم نہ بھیجنے کا مشورہ سامنے آیا۔
وزارت خارجہ حکام نے ٹیم بھارت بھیجنے کی بھرپور حمایت کی ۔ وزارت کا کہنا تھا کہ پاکستان کو آئی سی سی سے فول پروف سیکیورٹی فراہم کرنے کی درخواست کرنی چاہئے۔ ذرائع کے مطابق چئیرمین مینجمنٹ کمیٹی زکا اشرف آئی سی سی کو حکومتی فیصلے سے آگاہ کریں گے۔
