گزشتہ روز سے سماجی رابطے کی ویب سائٹ ٹویٹر پر ایک ویڈیو زیر گردش ہے جس میں دیکھا جا سکتا ہے کہ جماعت اسلامی کے سربراہ مولانا سراج الحق بوکھلاہٹ کا شکار ہیں اور چار سو بھگدڑ مچی ہوئی ہے ۔ مولانا سراج الحق بھاگ کر بچتے بچاتے اپنی گاڑی کی طرف جا رہے ہیں ۔ زیر گردش ویڈیو میں تحریکِ انصاف کے مشتعل کارکنان کی آوازیں سنی جاسکتی ہیں جو کہ مولانا سراج الحق سے تحریک انصاف کے متعلق سوالات کر رہے ہیں ۔
جس پی ٹی آئی کے جماعت اسلامی والے کے پی حکومت میں حمایتی تھے انہیں نے آج سراج الحق پر حملہ کیا۔ pic.twitter.com/HpiYe4bNUr
— صحرانورد (@Aadiiroy2) August 2, 2023
عمران خان کی سابقہ بیوی ریحام خان بھی اس پراپیگنڈا کا شکار ہو گیں انہوں نے زیر گردش ویڈیو ٹویٹ کرتے ہوئے لکھا
"جس پارٹی کے ساتھ کے پی کے میں حمایتی تھے آج انہوں نے ہراساں کیا انتہائی معزز شخصیت کے ساتھ بدتمیزی اور انکو دھکے دینے کی مذمت کرتی ہوں فتنہ نے ایک ایسی نسل کو تیار کیا ہے جو تمیز اور برداشت ختم کر کہ اس نے غلاظت اور بدتمیزی کو پروان چڑھایا”
جس پارٹی کے ساتھ کے پی کے میں حمایتی تھے آج انہوں نے ہراساں کیا انتہائی معزز شخصیت کے ساتھ بدتمیزی اور انکو دھکے دینے کی مذمت کرتی ہوں فتنہ نے ایک ایسی نسل کو تیار کیا ہے جو تمیز اور برداشت ختم کر کہ اس نے غلاظت اور بدتمیزی کو پروان چڑھایا @SirajOfficial #sirajulhaq pic.twitter.com/MnpENQAtYf
— Reham Khan (@RehamKhan1) August 3, 2023
ٹویٹر پر زیر گردش ویڈیو کا الزام تحریکِ انصاف کے کارکنان پر لگایا جا رہا تھا کہ تحریک انصاف کے کارکنان نے جماعت اسلامی کے سربراہ مولانا سراج الحق کو ہراساں کیا ہے۔
لیکن پاکستان کے سینئر صحافی سلیم صافی نے اس زیر گردش ویڈیو کی حقیقت کو آشکار کیا ہے ۔
انہوں نے اپنے ٹویٹر اکاؤنٹ پر ٹویٹ کرتے ہوئے زیر گردش ویڈیو کو ٹویٹ کرتے ہوئے لکھا
"بعض لوگ اس ویڈیو کو یہ لکھ کر شئیر کررہے ہیں کہ پی ٹی آئی کے ورکرز نے سراج الحق صاحب پرحملہ کیا جو سراسر جھوٹ ہے۔
میری خود سراج الحق صاحب سے بات ہوئی۔ یہ چکدرہ کے ایک تقریب کی ویڈیو ہے جس کے اختتام پر اپنے کارکنوں اور میڈیا والوں نے انہیں سیلفیوں اور سوالات کے لئے گھیرے میں لے لیا لیکن وقت کی قلت اور سیکورٹی وجوہات کی بنیاد پر مقامی رہنما انہیں رش سے نکال کر گاڑی میں بٹھارہے ہیں۔
جو آواز آرہی ہے وہ پی ٹی آئی کے کارکن کا نہیں بلکہ مقامی رپورٹر کا ہے ۔ یہاں دور دور تک پی ٹی آئی کا کوئی ورکر موقع پر موجود نہیں تھا”
بعض لوگ اس ویڈیو کو یہ لکھ کر شئیر کررہے ہیں کہ پی ٹی آئی کے ورکرز نے سراج الحق صاحب پرحملہ کیا جو سراسر جھوٹ ہے۔ میری خود سراج الحق صاحب سے بات ہوئی۔ یہ چکدرہ کے ایک تقریب کی ویڈیو ہے جس کے اختتام پر اپنے کارکنوں اور میڈیا والوں نے انہیں سیلفیوں اور سوالات کے لئے گھیرے میں لے… pic.twitter.com/nS8IeZ1noS
— Saleem Safi (@SaleemKhanSafi) August 3, 2023
