تازہ ترینخبریںسیاسیات

جب تک گرفتار نہیں ہوتا روزانہ ٹوئٹ جاری رہے گی، شیخ رشید

شیخ رشید احمد نے ٹوئٹ کرتے ہوئے کہا ہے کہ جب تک وہ گرفتار نہیں ہوتے، تب وہ روزانہ ٹوئٹ کرتے رہیں گے۔

تفصیلات کے مطابق ملک میں پاکستان تحریک انصاف کے رہنماؤں کی گرفتاریوں اور پارٹی چھوڑنے کے اعلانات کا سلسلہ عروج پر ہے، ایسے میں شیخ رشید ایک بار پھر جیل جانے کے لیے تیار رہنے کا اعلان کر دیا ہے۔

انھوں نے آج بدھ کو ٹوئٹ کیا ’’میں پہلے بھی جیل گیا، اور اب پھر جانے کو تیار ہوں، جب تک گرفتار نہیں ہوتا روزانہ ٹوئٹ جاری رہے گی۔‘‘

شیخ رشید نے لکھا ’’آج کل پریس کانفرنس نہیں پریشر کانفرنس ہو رہی ہیں، دو تین مہینے سسرال جیل کاٹنے سے قیامت نہیں آ جاتی، میں نے کلاشن کوف کے جھوٹے مقدمے میں 7 سال قید کاٹ کاٹی، کڑیاں والا قتل میں بھی سسرال گیا ہوں۔‘‘

انھوں نے مزید لکھا ’’معاشی اقتصادی سیاسی تباہی کا ملبہ موجودہ نااہل حکومت پر گرنا چاہیے، مسئلہ اقتصادی ہے، سیاسی بنا دیا گیا تاکہ مصنوعی بجٹ پیش کیا جا سکے۔‘‘

شیخ رشید کا کہنا تھا کہ قوم 9 مئی واقعے کی مذمت کرتی ہے، ملزموں سے کوئی ہمدردی نہیں، لیکن چادر اور چار دیواری اور خواتین کا احترام ضروری ہے، لیول پلیئنگ فیلڈ ہو چکا، نہیں ہوا تو 15 جون تک ہو جائے گا۔‘‘

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button