امیر جماعت اسلامی کراچی حافظ نعیم الرحمان کا کہنا ہے کہ میئر کراچی کے انتخاب کے لئے ہمارے نمبرز پورے ہوگئے ہیں، چاہتے ہیں ڈپٹی میئر پی ٹی آئی کا ہو۔
تفصیلات کے مطابق امیر جماعت اسلامی کراچی حافظ نعیم الرحمان نے کہا کہ ہمارے نمبرز پورے ہوگئے ہیں ، پی ٹی آئی کا شکرگزارہوں ،جنہوں نے جماعت اسلامی کے میئر کی حمایت کا اعلان کیا۔
حافظ نعیم الرحمان کا کہنا تھا کہ کراچی کی ترقی ہوگی تو سب کا فائدہ ہوگا، چاہتےہیں ڈپٹی میئرتحریک انصاف کا ہو، پی ٹی آئی اور جماعت اسلامی ملکر کام کرےگی۔
امیر جماعت اسلامی کراچی نے کہا کہ چیئرمین کوتھانوں میں بلارہےہیں ان کے گھر پر چھاپےمارےجارہےہیں، یہ چاہتے ہیں چیئرمین کسی طرح پیپلزپارٹی کی حمایت کردے۔
ان کا کہنا تھا کہ پیپلزپارٹی قبول کرلیں کوشش کے باوجود نمبرز پورے نہیں کرسکے ، پیپلزپارٹی والے صرف دعوے کررہے ہیں لیکن ان کے نمبرز پورے نہیں۔
پیپلز پارٹی کے دعوؤں پر حافظ نعیم الرحمان نے کہا کہ اعتماد کے ساتھ کچھ بھی کہنے میں پیپلزپارٹی کا کوئی ثانی نہیں، نمبرز نہ ہونے کے باوجودپیپلزپارٹی والے کہہ رہےہیں ہم میئربنائیں گے، ووٹ کے اعتبار سے جماعت اسلامی پہلے تحریک انصاف دوسرے نمبر پر ہیں۔
