خیبر پختونخوا کے ضلع ٹانک میں پولیس وین پر دستی بم حملے کے نیتجے میں ایک شہری جاں بحق اور پولیس اہلکاروں سمیت 22 افراد زخمی ہوگئے۔
تفصیلات کے مطابق خیبر پختونخوا کے ضلع ٹانک میں بنوں روڈ مروت مارکیٹ کے قریب پولیس وین پر دستی بم حملہ ہوا، حملے میں 2 پولیس اہلکاروں سمیت 22 افراد زخمی ہوگئے۔
ریسکیوذرائع کا کہنا ہے کہ حملے میں ایک زخمی شہری جاں بحق ہوگیا ہے جبکہ سرچ آپریشن کے دوران ایک دہشت گرد کے ہلاک ہونے کی اطلاعات ہیں۔
ڈی پی او وقار احمد نے بتایا کہ ایک حملہ آور زخمی حالت میں گرفتار اور ایک فرار ہوگیا تاہم پولیس نے علاقےکوگھیرےمیں لیکرسرچ آپریشن شروع کر دیا ہے۔
وقار احمد کا کہنا تھا کہ سول لائن کےقریب پولیس اور حملہ آوروں میں فائرنگ کا تبادلہ جاری ہے۔
یاد رہے ڈیرہ اسماعیل خان میں انسداد پولیو عملے کی سکیورٹی پر مامور پولیس وین پر دہشت گردوں نے حملہ کر دیا تھا ،
پولیس کا کہنا تھا کہ دہشت گردوں نے پہلے فائرنگ کی گئی اور پھر دستی بم پھینکے گئے جس کے نتیجے میں پانچ اہلکار زخمی ہوگئے تھے۔
