پولیس لائنز کی عمارت کے باہر موجود نامہ نگار شہزاد ملک کا کہنا ہے کہ اس مقام پر مظاہرین جمع ہونا شروع ہوچکے ہیں جبکہ سکیورٹی اہلکاروں اور مظاہرین کے درمیان جھڑپوں میں اے سی پوٹھوہار زخمی ہوئے ہیں۔
ان کا کہنا ہے کہ پولیس لائنز کے باہر سکیورٹی اہلکاروں کی بھاری نفری تعینات ہے اور اب مظاہرین کی سلسلہ وار آمد کے ساتھ مزید جھڑپوں کا خدشہ ظاہر کیا جا رہا ہے۔
شہزاد ملک کا کہنا ہے کہ ایچ الیون میں واقع پولیس لائنز کے قریب مظاہرین کو منتشر کرنے کے لیے شیلنگ کی جا رہی ہے جبکہ مظاہرین کی جانب سے پتھراؤ کیا جا رہا ہے۔ قریب 100 کے مظاہرین وہاں موجود ہیں۔