مقبوضہ جموں وکشمیر کی عوام نے وادی کے مختلف مقامات میں آرمی چیف جنرل سید عاصم منیر کی تصاویر والے پوسٹرز پوسٹرز چسپاں کردیے۔
تفصیلات کے مطابق مقبوضہ کشمیر میں آرمی چیف جنرل سید عاصم منیر کی تصاویر والے پوسٹرز چسپاں کردیے گئے ، کشمیریوں کیساتھ اظہار یکجہتی اور حق خودارادیت کی حمایت پر پاکستان آرمی چیف کا شکریہ ادا کیا گیا۔
پاکستان آرمی چیف کے پوسٹرز سرینگر میں متعدد مقامات پر چسپاں کئے گئے، پوسٹرز پر تحریر میں لکھا کہ مقبوضہ کشمیر پرقومی مؤقف پر قائم رہنے اور کشمیریوں کی حمایت پر آپ کے شکر گزار ہیں۔
یاد رہے اپریل 2021 میں حق خودارادیت فورم جموں وکشمیر نے پاکستان سے اپنے پیار اور محبت کا اظہار کرتے ہوئے مقبوضہ وادی کے مختلف علاقوں میں وزیراعظم ، آرمی چیف قمر جاوید باجوہ کے پوسٹرز آویزاں کئے تھے۔
کشمیر میڈیا سروس (کے ایم ایس) کے مطابق پوسٹرز پر وزیر خارجہ شاہ محمود قریشی ، علی آمین گنڈا پور ، شہریار آفریدی ، علی محمد خان اور بیرسٹر سلطان چودھری تصاویر بھی موجود تھیں۔
پوسٹروں پر تحریک آزادی کشمیر کے سفیر کے علاوہ دیگر تعریفی کلمات ، کشمیری عوام کا ترجمان عمران خان کے نعرے ، کشمیریوں کا وکیل پاکستان کےنعرے، پاکستانی اور کشمیری یک جان دو قالب کے نعرے سمیت ہم پاکستانی ہیں اور پاکستان ہمارا ہے کے نعرے درج تھے۔
