نگراں وزیرِ اطلاعات پنجاب عامر میر نے شاہد خاقان عباسی کے الزامات پر اپنے ردِعمل کا اظہار کرتے ہوئے کہا ہے کہ شاہدخاقان معذرت کریں یا ثبوت مہیا کریں۔
نگراں وزیرِ اطلاعات پنجاب عامر میر نے کہا ہئ کہ مفت آٹااسکیم میں ایک پائی کی بھی کرپشن نہیں ہوئی، الزام لگانے والوں کی اپنی ساکھ مجروح ہوئی، آٹا اسکیم پنجاب کی تاریخ کی کامیاب ترین اسکیم رہی ہے۔
عامر میر کا کہنا تھا کہ مفت آٹا اسکیم سے پنجاب کے 3 کروڑ مستحق لوگوں نے فائدہ اٹھایا، آٹا اسکیم کوپارٹی کی اندرونی سیاست کی بھینٹ چڑھانا زیادتی ہے۔
نگراں وزیرِ اطلاعات پنجاب کا مزید کہنا تھا کہ ایسے الزام پر شاہد خاقان عباسی معذرت کریں یا کرپشن کے ثبوت دیں، پنجاب حکومت ایک ایک پائی کا حساب دے سکتی ہے۔
