تازہ ترینخبریںپاکستان

دودھ کے ڈبوں میں منشیات بیرون ملک اسمگل کرنے کی کوشش ناکام

اے این ایف کی منشیات کے خلاف ملک گیر کارروائیاں جاری ہیں۔ دودھ کے ڈبوں میں چھپائی گئی منشیات برآمد کرکے مسافر کو حراست میں لے لیا گیا۔

کراچی ائیرپورٹ سے اینٹی نارکوٹکس فورس (اے این ایف) نے مسقط جانے والے ملزم کو گرفتار کرلیا، تلاشہ کے دوران اس کے بیگ سے1450نشہ آورگولیاں برآمد ہوئی تھیں۔

اے این ایف ذرائع کے مطابق اسلام آباد جی پی او سے بحرین جانے والے پارسل سے2 کلو آئس برآمد ہوئی ہے۔ برآمد شدہ منشیات کو دودھ کے ڈبوں میں چھپایا گیا تھا۔

اس کے علاوہ گجرات جی ٹی روڈ چناب ٹول پلازہ کے قریب ٹرک سے 12 کلو ہیروئن برآمد کرکے 2ملزمان کو گرفتار کرلیا گیا۔

ایک اور کارروائی میں مستونگ بائی پاس کے قریب کار سے 10 کلو افیون برآمد کرکے قلات کے رہائشی ملزم کو گرفتار کرلیا گیا۔

اےاین ایف ذرائع کا کہنا ہے کہ تربت دنوک کے قریب زیر تعمیر مکان سے100 کلو چرس برآمد کی گئی ہے، گرفتار ملزمان کے خلاف انسداد منشیات ایکٹ کے تحت مقدمات درج کیے گئے ہیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button