پاکستان مسلم لیگ عوامی کے سربراہ شیخ رشید احمد نے کہا ہے کہ مذاکرات کے نام پر وقت ضائع کرنے کی سازش ہورہی ہے آصف زرداری ڈبل گیم کھیل رہے ہیں۔
انتخابات کے معاملے پر پاکستان کی موجودہ سیاسی صورتحال، سپریم کورٹ کے احکامات اور مذاکرات کی کوششوں سے متعلق پاکستان مسلم لیگ عوامی کے سربراہ شیخ رشید احمد نے سماجی رابطوں کی ویب سائٹ ٹوئٹر پر اپنے ردعمل کا اظہار کیا ہے۔
سینیئر سیاستدان نے اس حوالے سے کئی ٹوئٹس کیے ہیں جن میں ان کا کہنا ہے کہ مذاکرات کے نام پر وقت ضائع کرنے کی سازش ہورہی ہے آصف زرداری ڈبل گیم کھیل رہے ہیں۔ سازش کے تحت ہی فضل الرحمان کو مذاکرات سے نواز شریف کے اشارے پر باہر رکھا جا رہا ہے۔ نواز شریف سعودی عرب سے واپس لندن جائیں گے اور اپنی شرائط کے الیکشن تک پاکستان نہیں آئیں گے۔
نواز شریف لندن جائیں گے۔پاکستان اپنی شرائط کے الیکشن تک نہیں آئیں گے۔نگران حکومتیں آئینی طور پر ختم ہو چکی۔انکی ترقیاں تنزلیاں گاڑیاں دفتر سب واپس ہونے چاہیں۔آصف زرداری ڈبل گیم کھیل رہے ہیں27 اپریل تک 21 ارب روپے جاری کرنے ہونگے ورنہ سنگین نتائج بھگتنے کے لیے تیار رہنا ہوگا
— Sheikh Rashid Ahmed (@ShkhRasheed) April 20, 2023
سابق وفاقی وزیر نے مزید کہا کہ نگران حکومتیں ختم ہوچکیں، ترقیاں، تنزلیاں گاڑیاں، دفترسب واپس ہونا چاہیے۔ 27 اپریل تک 21 ارب روپے جاری کرنے ہونگے ورنہ سنگین نتائج کیلیے تیار رہنا ہوگا۔
ان کا کہنا تھا کہ سپریم کورٹ نے آئین و قانون کا جھنڈا بلند رکھا اور سیاسی جماعتوں کو گنجائش بھی دی۔ جو جماعتیں عوام میں جانے کے قابل نہیں وہی الیکشن میں رکاوٹ بن رہی ہیں۔ سعودی ولی عہد محمد بن سلمان کی مصروفیات کی وجہ سے سعودی عرب کا دورہ ملتوی ہوا ہے۔
شیخ رشید نے ٹویٹ میں لکھا ہے کہ سپریم کورٹ کا 14 مئی کو الیکشن کرانے کا حکم فائنل ہے جس میں تبدیلی کی گنجائش نہیں۔ حکومت اپنے جال میں خود پھنس گئی ہے۔ اسے حالات کی سنگینی کا اندازہ نہیں۔ عید کے بعد الیکشن ہوں گے یا حکومت نااہل ہوگی۔ وزیراعظم شہباز شریف، وزیر داخلہ رانا ثنا اللہ اور وزیر قانون اعظم نذیر تارڑ توہین عدالت کے ریڈار میں ہوں گے۔
حکومت اپنےجال میں خودپھنس گئی انہیں حالات کی سنگینی کااندازہ نہیں۔عیدکےبعدالیکشن ہوں گےیاحکومت نااہل ہوگی شہبازشریف وزیرداخلہ وزیرقانون توہین عدالت کےریڈارمیں ہونگےسپریم کورٹ کاحکم14مئی الیکشن کرانافائنل ہےجس میں تبدیلی کی گنجائش نہیں مذکرات کےنام پروقت ضائع کرنےکی سازش ہو رہی ہے
— Sheikh Rashid Ahmed (@ShkhRasheed) April 20, 2023
