صوبہ سندھ کے دارالحکومت کراچی میں محکمہ انسداد محکمہ دہشت گردی (سی ٹی ڈی) کی کارروائی میں کالعدم تنظیم کا دہشت گرد گرفتار کرلیا گیا۔
تفصیلات کے مطابق کراچی کے علاقے گلشن حدید میں محکمہ انسداد محکمہ دہشت گردی (سی ٹی ڈی) اور وفاقی ادارے کا انٹیلی جنس بیسڈ آپریشن ہوا۔
ترجمان سی ٹی ڈی کا کہنا ہے کہ جدید تکنیکی اور انٹیلی جنس ذرائع کے ذریعے ایس آر اے کا نیٹ ورک توڑا، کارروائی میں کالعدم دہشت گرد تنظیم ایس آر اے کا دہشت گرد عبید اللہ لانگا گرفتار کرلیا گیا۔
ترجمان کے مطابق گرفتار دہشت گرد نے ابتدائی تفتیش میں کئی انکشافات کیے۔
ملزم کا کہنا تھا کہ کمانڈر انعام عباسی اور معشوق قمبرانی کے کہنے پر گجر ڈیری کے مالک پر قاتلانہ حملہ کیا، 11 اپریل کو گلشن حدید فیز 2 میں پنجابی سیٹلر اعجاز احمد و گولیاں مار کر زخمی کیا۔
ترجمان کا کہنا ہے کہ گرفتار ملزم سے مزید تفتیش کا عمل جاری ہے۔
