متحدہ عرب امارات نے بھی پاکستان کو ایک ارب ڈالر دینے کیلئے آئی ایم ایف کو یقین دہانی کرادی ، اسٹیٹ بینک یو اے ای سے مزکورہ رقم لینے کیلئے دستاویزات مکمل کرنے میں مصروف ہے۔
تفصیلات کے مطابق آئی ایم ایف کی نویں جائزہ رپورٹ مکمل کرنے میں تمام رکاوٹیں دور ہو گئیں، متحدہ عرب امارات نے پاکستان کو ایک ارب ڈالر دینے کی تصدیق کر دی۔
وزیر خزانہ اسحاق ڈار نے سماجی رابطے کی ویب سائٹ ٹوئٹر پر اپنے بیان میں کہا کہ متحدہ عرب امارات نے بھی پاکستان کو ایک ارب ڈالر دینے کیلئے آئی ایم ایف کو یقین دہانی کرادی، اسٹیٹ بینک یو اے ای سے مزکورہ رقم لینے کیلئے دستاویزات مکمل کرنے میں مصروف ہے۔
گزشتہ روز ڈپٹی ایم ڈی آئی ایم ایف کےساتھ ورچوئل میٹنگ میں بتایا تھا کہ پاکستان کےساتھ اسٹاف لیول معاہدہ جلد ہوجائے گا، اسحاق ڈار نے کہا کہ معیشت کی بہتری کےلیے اصلاحات پرعمل پیراہیں۔
گزشتہ ہفتے سعودی عرب نے آئی ایم ایف کو یقین دہانی کرائی تھی کہ وہ پاکستان کو دو ارب ڈالر کی رقم فراہم کرے گا۔
IMF program — 9th Review Update:
UAE authorities have confirmed to IMF for their bilateral support of US $ One billion to Pakistan.
State Bank of Pakistan is now engaged for needful documentation for taking the said deposit from UAE authorities.
AlhamdoLilah!
— Ishaq Dar (@MIshaqDar50) April 14, 2023