ایڈیشنل ڈسٹرکٹ اینڈ سیشن کورٹ نے نواز شریف کے قریبی ساتھی ناصر بٹ کی تہرے قتل کیس میں ضمانت خارج کردی۔
تفصیلات کے مطابق راولپنڈی میں ایڈیشنل ڈسٹرکٹ اینڈ سیشن کورٹ میں تہرےقتل کیس کی سماعت ہوئی ، کیس کی سماعت ایڈیشنل ڈسٹرکٹ اینڈ سیشن جج سہیل انجم نے کی۔
عدالت نے نواز شریف کے قریبی ساتھی ناصربٹ کی ضمانت خارج کردی، کیس کی عدم پیروی اور عدم حاضری پرناصر بٹ کی ضمانت خارج کی گئی۔
ناصر بٹ کیخلاف 15 اکتوبر 1996میں تہرے قتل کامقدمہ تھانہ صادق آبادمیں درج ہے، مقدمے کے اندراج کے بعد سے ملزم ناصر بٹ بیرون ملک مقیم تھا۔
ناصر بٹ کےاس سےقبل ریڈ وارنٹ بھی جاری کئے گئے تھے تاہم ملزم ناصر بٹ کی ضمانت قبل از گرفتاری 3 اپریل تک منظور ہوچکی تھی۔
خیال رہے گذشتہ ماہ پاکستان مسلم لیگ ن کے قائد اور سابق وزیراعظم نواز شریف کے قریبی ساتھی ناصر بٹ لندن میں جلا وطنی ختم کر کے پاکستان پہنچے تھے۔
ناصر بٹ نے 30 اپریل کو ہونے والے پنجاب اسمبلی کے انتخابات کے لیے حلقہ پی پی 16 سے کاغذات نامزدگی جمع کرا رکھے ہیں۔
