تازہ ترینخبریںپاکستان

اسلام آباد : وکلاء نے پولیس اہلکاروں کو عدالت سے باہر نکال دیا

چیئرمین پی ٹی آئی عمران خان کی پیشی پر وکیل کی گرفتاری کے خلاف احتجاجی وکلاء نے پولیس اہلکاروں کو عدالت سے باہر نکال دیا۔

تفصیلات کے مطابق تحریک انصاف کے سربراہ عمران خان کی عدالت میں پیشی کے موقع پر ایک وکیل کی گرفتاری کے خلاف اسلام آباد بار کے وکلاء کا احتجاج جاری ہے۔

اس حوالے سے ذرائع کا کہنا ہے کہ اسلام آباد بار کی جانب سے کچہری کے احاطے میں پولیس اہلکاروں کا داخلہ اپنے مطالبات کی منظوری تک بند کرنے کا فیصلہ برقرار ہے۔

احتجاجی وکلاء نے کچہری آنے والے پولیس اہلکاروں کو باہر نکالنا شروع کردیا، مشتعل وکلاء مختلف عدالتوں میں جا کر وہاں موجود اہلکاروں کو باہر نکال رہے ہیں۔

کچہری میں اسلام آباد بار ایسوسی ایشن کی ہڑتال آج بھی جاری ہے، اس سلسلے میں ڈسٹرکٹ بار ترجمان کا کہنا ہے کہ ایس ایچ او ترنول کی معطلی، اندراج مقدمہ اور پولیس کی معافی تک احتجاج جاری رہے گا۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button