تازہ ترینتحریکخبریںپاکستان

خاتون جج دھمکی کیس : عمران خان کے ناقابل ضمانت وارنٹ قابل ضمانت وارنٹ میں تبدیل

ڈسٹرکٹ اینڈ سیشن کورٹ نے خاتون جج دھمکی کیس میں چیئرمین پی ٹی آئی عمران خان کے ناقابل ضمانت وارنٹ کو قابل ضمانت وارنٹ میں تبدیل کردیا۔

تفصیلات کے مطابق ڈسٹرکٹ اینڈ سیشن کورٹ اسلام آباد نے پی ٹی آئی چیئرمین عمران خان عمران خان کیخلاف خاتون جج کیس میں ناقابل ضمانت وارنٹ گرفتاری کی منسوخی میں توسیع سے متعلق فیصلہ سنا دیا۔

ایڈیشنل سیشن جج فیضان حیدرگیلانی نے محفوظ فیصلہ سنادیا، فیصلے میں عدالت نے عمران خان کے ناقابل ضمانت وارنٹ کو قابل ضمانت وارنٹ میں تبدیل کردیا اور پی ٹی آئی کی وارنٹ منسوخی کی درخواست نمٹا دی

آج صبح ڈسٹرکٹ اینڈ سیشن کورٹ میں پی ٹی آئی چیئرمین عمران خان کے خلاف خاتون جج دھمکی کیس میں درخواست وارنٹ معطلی سے متعلق درخواست پر سماعت ہوئی۔

عمران خان کےوکیل گوہرعلی اور پراسیکیوٹر رضوان عباسی عدالت میں پیش ہوئے ، وکیل نے 30 مارچ تک عمران خان کے وارنٹ گرفتاری معطل رکھنے کی درخواست کر دی۔

وکیل نے کہا کہ 30 مارچ کوعمران خان توشہ خانہ کیس میں جج ظفر اقبال کی عدالت میں پیش ہوں گے، جس پر جج نے کہا کہ ٹرائل کورٹ میں 29 مارچ کی تاریخ ہے اس سے آگے کی تاریخ کیسے دے سکتے ہیں۔

وکیل نے بتایا کہ 29 مارچ کو ٹرائل کورٹ سے درخواست کریں گے کہ 30مارچ کیلئےکیس مقررکرلیا جائے، جس پر پراسیکیوٹر نے اعتراض اٹھایا کہ پٹیشن پر درخواست گزار کے جعلی دستخط ہیں۔

وکیل عمران خان کا کہنا تھا کہ عدالت 30مارچ کی تاریخ دے عمران خان پیش ہو جائیں گے تو پراسیکیوٹر نے کہا ملزم عدالت کا فیورٹ چائلڈ ہوتا ہے مگر اتنا بھی فیورٹ نہیں ہوتا ، عمران خان ابھی تک ٹرائل کورٹ میں پیش نہیں ہوئے ان پرفرد جرم عائدہونی ہے۔

عدالت نے فریقین کے دلائل سننے کے بعد عمران خان کے وارنٹ گرفتاری معطلی میں توسیع سےمتعلق فیصلہ محفوظ کرلیا تھا۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button