پی ٹی آئی رہنما فواد چوہدری نے تمام کارکنوں کو پیغام میں کہا ہے کہ حراست میں تشدد سے بچاؤ کیلئے جوبیان پولیس کہتی ہے وہ دے دیں۔
تفصیلات کے مطابق تحریک انصاف کے رہنما فوادچوہدری نے سماجی رابطے کی ویب سائٹ ٹوئٹر پر اپنے پیغام میں کہا کہ تمام کارکنوں کو کہا ہے اپنے آپ کوپولیس کے تشدد سے بچائیں اور حراست میں تشدد سے بچاؤ کیلئے جوبیان پولیس کہتی ہے وہ دے دیں۔
فوادچوہدری کا کہنا تھا کہ عوام اورعدالت سب کوہی پتہ ہے ان بیانوں کی کوئی حیثیت نہیں، ایسےبیان پربات کرنا شرمندگی کے علاوہ کچھ نہیں،پی ڈی ایم میں کوئی شرم نہیں۔
اس سے قبل پی ٹی آئی رہنما نے ایک ٹوئٹ میں لکھا تھا کہ تحریک انصاف کے سینکڑوں کارکن گرفتار کر لئے گئے ہیں، ملک میں بدترین فسطائیت ننگا ناچ رہی ہے اور عدلیہ بے بس نظر آتی ہے، عوام میڈیا، عدلیہ اور سیاسی کارکنوں کے ساتھ بدترین فسطائیت کے سامنے کھڑے ہوں ورنہ یہ ملک ایسے راستے پر ہے کہ واپسی نہیں ہو گی، خدا پاکستانیوں کی حفاظت کرے۔
