چیئرمین تحریک انصاف عمران خان کا کہنا ہے کہ اسلام آباد پولیس کے فاشزم کی مثال نہیں ملتی۔
عمران خان نے ٹوئٹ میں کہا ہے کہ اسلام آباد پولیس پی ٹی آئی کارکنوں کے گھروں پر چھاپے مار رہی ہے۔
انہوں نے کہا کہ پولیس بغیر وارنٹ پی ٹی آئی کارکنوں کو اغواء کرنے کیلئے چھاپے مار رہی ہے، کارکن موجود نہ ہو تو ان کے 10 سال سے کم عمر بچوں کو اٹھایا جاتا ہے۔
چیئرمین عمران خان نے کہا کہ ہم تمام کارکنوں اور ان کے بچوں کی فوری رہائی کا مطالبہ کرتے ہیں۔
واضح رہے کہ اسلام آباد پولیس نے پی ٹی آئی کارکن راجہ شاہد کو پھلگراں سے گرفتار کرلیا ہے، جبکہ ماڈل ٹاؤن ہمک سے 3 اور بھارہ کہو سے 10 کارکن گرفتار کیے گئے ہیں۔
Fascism at unprecedented levels with police in Islamabad raiding homes without warrants to abduct PTI workers. Where the worker is not present, children as young as 10 yrs are picked up. We demand the immediate release of all our workers & their children who have been abducted.
— Imran Khan (@ImranKhanPTI) March 19, 2023
پولیس کے مطابق گرفتار کارکن جوڈیشل کمپلیکس توڑ پھوڑ کے واقعات میں ملوث تھے۔
دوسری جانب تحریک انصاف اسلام آباد ریجن کے صدر علی نواز اعوان کے گھر پر بھی پولیس نے چھاپہ مارا ہے تاہم وہ گھر پر موجود نہیں تھے۔
