Welcome to JEHANPAKISTAN   Click to listen highlighted text! Welcome to JEHANPAKISTAN
تازہ ترینخبریںپاکستان سے

صدر مملکت کا گورنر کے پی کو انتخابات کی تاریخ سے متعلق اہم مشورہ

صدر مملکت ڈاکٹر عارف علوی نے گورنر خیبر پختون خوا کو مشورہ دیا ہے کہ پیچیدگی سے بچنے کے لیے سپریم کورٹ کے فیصلے کے مطابق انتخابات کی تاریخ مقرر کی جائے۔

تفصیلات کے مطابق صدر پاکستان عارف علوی کی دعوت پر آج گورنر کے پی حاجی غلام علی نے ایوان صدر میں اُن سے ملاقات کی، دونوں رہنماؤں نے خیبر پختون خواہ کے عام انتخابات کے انعقاد سے متعلق امور پر تبادلہ خیال کیا۔

ملاقات میں آرٹیکل 224(2) اور یکم مارچ کے سپریم کورٹ کے حکم کی روشنی میں الیکشن سے متعلق گفتگو کی گئی، صدر نے مشورہ دیا کہ الیکشن کمیشن سے مشاورت کے بعد انتخابات کی تاریخ پر عدالتی حکم پر عمل درآمد کریں۔

صدر پاکستان نے گورنر سے کہا کہ پیچیدگی سے بچنے کے لیے سپریم کورٹ کے فیصلے کے مطابق انتخابات کی تاریخ مقرر کی جائے۔

ملاقات میں صدر مملکت نے آئین کی پاس داری اور مقررہ مدت کے اندر عام انتخابات کے انعقاد کی ضرورت پر زور دیا۔

انھوں ںے کہا کہ مقررہ وقت میں انتخابات آئین نے لازمی قرار دیے ہیں، اور سپریم کورٹ نے اس کی توثیق کی ہے، مقررہ وقت میں انتخابات پارلیمانی جمہوریت کو مضبوط بنانے کے لیے بھی ضروری ہیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Click to listen highlighted text!