کڑی پتوں کے بارے میں ہم سب کو معلوم ہی ہوگا کہ یہ کھانے میں ذائقہ بڑھانے کے کام آتا ہے،کڑی پتوں کو کھانے میں استعمال کرنے کے علاوہ انسان کی صحت کو بہتر بنانے میں بھی استعمال کیا جا سکتا ہے۔
کڑی پتے میں وٹامن سی، فاسفورس، وٹامنز ، میگنیشیم آئرن اور کیلشیم وافر مقدارمیں پایا جاتا ہے جو کہ کئی طرح سے صحت کے لیے فائدہ مند ہوتے ہیں۔
لیکن کیا آپ کڑی پتے کے صحت پر ہونے والے اثرات سے آگاہ ہیں نہیں تو جانئے اس تحریر میں۔
ذیا بطیس میں مددگار
شوگر کے مریضوں کو اکثر کڑی پتہ چبانے کا مشورہ دیا جاتا ہے اس کی وجہ یہ ہے کہ اس میں ہاپئو گلیسیمک خصوصیات پائی جاتی ہیں جو شوگر لیول کو کنٹرول کرنے میں مددگار ہوتی ہے۔
ہاضمے کے لئے مفید
کڑی پتوں کو روزانہ خالی پیٹ چبانے کا مشورہ دیا جاتا ہے جس سے قبض ، تیزابیت، اپھارہ سمیت پیٹ کے تمام مسائل سے نجات مل جاتی ہے۔
آنکھوں کے لئے فائدہ مند
کڑی پتے کھانے سے رات کے اندھے پن یا آنکھوں سے متعلق کئی دیگر امراض کا خطرہ ٹل جاتا ہے کیونکہ اس میں وٹامن اے پایا جاتا ہے جو بینائی بڑھانے میں مددگار ثابت ہوتا ہے۔
اینٹی بائیوٹک خصوصیات
معمولی سے نظر آنے والے ان پتوں میں اینٹی فنگل اور اینٹی بائیوٹک خصوصیات پائی جاتی ہیں جو کہ متعدد قسم کے انفیکشن کو روکنے میں معاون ثابت ہوتی ہے۔
بڑھتے وزن میں کمی کا اہم ذریعہ
کڑی پتے چبانے سے پیٹ کی چربی کم کرنے میں مدد ملتی ہے کیونکہ اس میں ایتھائل ایسیٹیٹ، ڈائی کلورو میتھین جیسے غذائی اجزا موجود ہوتے ہیں۔
